Wɩlʋʋ 4 - New TestamentƐyáa tɩŋa teɣ hendu ɛsɔdaa se paɖʋnɩ Ɛsɔ hɩɖɛ 1 Pʋwayɩ lɛ, mɔncɔna nɛ manaɣ nɔnɔɔ nakɛyɛ ɛsɔdaa, katʋlaa nɛ manɩɣ pʋyɔɔdʋʋnɩ-m ɛzɩ pɩcalʋʋ-m yɔɔdɩnaʋ ɛzɩ pahʋlʋʋ ɛgandɩyɛ yɔ se: «Kpa cɩnɛ nɛ mawɩlɩ-ŋ mbʋ́ pʋkɔŋ labʋ pʋnɛ pʋ-wayɩ yɔ.» 2 Kpaagbaa ḿbʋ́ lɛ, Fezuu Kiɖeɖeu tii mɔ-yɔɔ nɛ manaɣ kewiyaɣ kpelaɣ nakɛyɛ ɛsɔdaa peeɖe. Nɔɔyʋ caɣ kɔ-yɔɔ. 3 Pʋdʋ ñɩlɩsaɣ pelu pelu ɛzɩ ñɩɣlɩ́m pɩyɛ nɖɩ́ ɖɩwɛ maɖʋ maɖʋ nɛ ɖɩwɛɛ kpʋzʋyɛɛ yɔ. Tɩŋgaɣyʋʋ nakʋyʋ kɔcɔ kewiyaɣ kpelaɣ ŋ́gá nɛ kɩta. Kɩñɩlɩsɩɣ ɛzɩ ñɩɣlɩ́m pɩyɛ nɖɩ́ ɖɩwɛ yuulee ɛzɩ tɩŋ hatʋ yɔ. 4 Kewiyaɣ kpelisi nɩɩlɛ nɛ naanza kɔcɔ kewiyaɣ kpelaɣ ŋ́gá nɛ sɩta nɛ sɔsaa nɩɩlɛ nɛ naanza nabɛyɛ caɣ sɩ-yɔɔ. Posu wondu kʋhʋlʋmʋtʋ nɛ paba sika hulasi. 5 Tɛʋ ñɩlɩsʋʋ nɛ kɔkɔɖɛ nɛ tɛʋ nazʋʋ palɩɣaɣnɩ kewiyaɣ kpelaɣ ŋgá kɛwɛ hɛkʋ taa yɔ kɔ-yɔɔ. Pɔsɔbɩ kanɖʋnaa lʋbɛ mbá panaɣ camɩyɛ yɔ kɛ-ɛsɩndaa: ḿbá lɛ Ɛsɔ feziŋ lʋbɛ. 6 Nabʋyʋ kɛwɛ kewiyaɣ kpelaɣ ŋ́gá kɛ-ɛsɩndaa ɖɔɖɔ. Pʋwɛ ɛzɩ teŋgu yɔ nɛ pɩñɩlɩzɩɣ ɛzɩ ñɩñʋʋ yɔ. Pɩnɩɣzɩnɩ pɩyɛ kʋhʋlʋmɩyɛ nɖɩ́ ɖɩñɩlɩzɩɣ pelu pelu yɔ. Kewiyaɣ kpelaɣ ŋ́gá, kɛ-hɛkʋ taa nɛ kɔ-cɔlɔ kpɛɛɛ lɛ, kpɩna naanza naayɛ kɛwɛɛ, awɛnɩ ɛsɛ tɔtɔ, taa nɛ wayɩ. 7 Kajalaɣ ñɩnɖɛ wɛ ɛzɩ tɔɔyʋʋ yɔ, naalɛ ñɩnɖɛ ñɛwɛɛ ɛzɩ neɣye yɔ, tozo ñɩnɖɛ ɛsɩndaa ñɛwɛɛ ɛzɩ ɛyʋ yɔ nɛ naza ñɩnɖɛ ñɛwɛɛ ɛzɩ keziye nɖɩ́ ɖɩɖɔŋ kʋyʋʋ yɔ. 8 Kpɩna ana, a-naanza aawɛnɩ keŋ loɖo loɖo. Aawɛnɩ ɛsɛ yʋʋʋ a-taa nɛ a-yɔɔ nɛ awɛɛ ateɣ hendu wɩsɩ nɛ ɖoó se: «Cɩɖɩcɩɖɩ, cɩɖɩcɩɖɩ, Ɛsɔ wɛnɩ cɩɖɩcɩɖɩ. Kɩpaɣlʋ Ɛsɔ Đoŋ Tɩŋa Tʋ weyi ɛɛwɛɛ yɔ, ɛnʋ wɛna, ɛkaɣ kɔm nee.» 9 A-naanza asaŋ weyi ɛcaɣ kewiyaɣ kpelaɣ yɔɔ nɛ ɛwɛɛ wezuu pɩnzɩ ɛgbaŋ ɛgbaŋ yɔ nɛ aɖʋʋ-ɩ hɩɖɛ nɛ asɛɣ-ɩ. Alɩwaatʋ ndʋ́ alakɩ ḿbʋ́ yɔ, 10 sɔsaa ḿbá pa-nɩɩlɛ nɛ naanza paba ñoluŋuu weyi ɛwɛ wezuu pɩnzɩ ɛgbaŋ ɛgbaŋ yɔ ɛ-ɛsɩndaa. Ɛcaɣ kewiyaɣ kpelaɣ yɔɔ nɛ pasaŋ-ɩ nɛ pɔlɔʋ po-hulasi kewiyaɣ kpelaɣ ɛsɩndaa nɛ pɔtɔŋ se: 11 «Hayɩ Kɩpaɣlʋ yee, ɖɛ-Ɛsɔ, ŋmʋnaa se ña-hɩɖɛ ɛsɛɛ, paɖʋ-ŋ pɩ-taa yee pɛcɛlɩ-ŋ ɖoŋ nee. Ñalabɩna pɩtɩŋa payɩ ñe-liu wɛna nɛ pala pɩtɩŋa nɛ pʋwɛɛ.» |