Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Room 8 - New Testament


Ɛsɔ Fezuu lakɩna nɛ ɖɩwɛɛ ɖa-tɩ yɔɔ

1 Tɔm ńdʋ́ tɩtɩŋa tɩ-yɔɔ lɛ, lɛɛlɛɛyɔ paatasɩɣ kʋʋ mbá pa nɛ Krɩstʋ Yesu palabɩ nɔɔ kʋɖʋmaɣ yɔ pɔ-tɔm kaʋ.

2 Mbʋ́ pʋyɔɔ yɔ, ɛzɩma mbʋ́ mɛwɛ Fezuu Kiɖeɖeu ŋgʋ́ kɩtɩŋnɩ Krɩstʋ Yesu yɔɔ nɛ kɩhaɣ-ɖʋ wezuu yɔ ki-nesi taa yɔ pʋ-yɔɔ lɛ, puholi-m nɛ kɩwɛɛkɩm nɛ sɩm pe-nesi taa.

3 Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

4 Ɛlabɩ ḿbʋ́ se ɖɩpɩzɩ ɖɩla mbʋ́ pʋtʋʋzaa yɔ ɛzɩ paɖʋʋ paɣtʋ taa yɔ. Mbʋ́ pʋyɔɔ yɔ, ɖɩɩɖɔŋ ɛzɩ ɖe-liu wɛʋ yɔ. Ɛlɛ́, ɖɩɖɔŋ ɛzɩ pɩkɛdɩnaʋ Fezuu Kiɖeɖeu yɔ.

5 Toovenim lɛ, mbá pacakɩ wezuu ɛzɩ pɩkɛdɩnaʋ-wɛ yɔ, panɩɣnɩ mbʋ́ pe-liu wɛɛ yɔ. Ɛlɛ́, mbá paba ñacakɩ-kʋ ɛzɩ pɩkɛdɩnaʋ Fezuu Kiɖeɖeu yɔ, panɩɣnɩ mbʋ́ kaka liu wɛɛ yɔ.

6 Yee ɛyʋ ɛnɩɣʋnɩ mbʋ́ pɩkɛdɩnɩ ɛ-maɣmaɣ yɔ yɔ, puwokini-i sɩm taa. Ɛlɛ́, ɛnɩɣʋnɩ mbʋ́ Fezuu Kiɖeɖeu pɔzʋʋ yɔ yɔ, puwokini-i wezuu nɛ laŋhɛzɩyɛ pa-taa.

7 Mbá panɩɣnɩ mbʋ́ pa-maɣmaɣ pe-liu wɛɛ yɔ, pɛkɛ Ɛsɔ koyindinaa. Mbʋ́ pʋyɔɔ yɔ, paaɖɔŋ Ɛsɔ paɣtʋ yɔɔ. Halɩ paatɩɩpɩzɩɣ pɔɖɔ tɩ-yɔɔ kpem.

8 Mbá pacakɩ wezuu ɛzɩ pɩkɛdɩnaʋ-wɛ yɔ, pɔ-tɔm ɛɛpɩzɩɣ tɩkɛdɩnɩ Ɛsɔ.

9 Mɩ lɛ, ɩɩcakɩ wezuu ɛzɩ pɩkɛdɩnaʋ mɩ-maɣmaɣ yɔ, ɩcakɩ-kʋ ɛzɩ pɩkɛdɩnaʋ Fezuu Kiɖeɖeu yɔ. Mbʋ́ pʋyɔɔ yɔ, Fezuu Kiɖeɖeu wɛ mɩ-cɔlɔ. Yee Krɩstʋ Fezuu ɛfɛyɩ nɔɔyʋ cɔlɔ yɔ, ɛtɛkɛ Krɩstʋ tʋ.

10 Yee Krɩstʋ ɛwɛ mɩ-cɔlɔ yɔ, paa mi-tomnaɣ ɛtɛŋnɩ sɩm kɩwɛɛkɩm yɔɔ yɔ, mɩ-kalɩzaɣ wɛɣ wezuu. Mbʋ́ pʋyɔɔ yɔ, ɩpɩsɩ kʋtʋʋzaa Ɛsɔ ɛsɩndaa.

11 Yee Ɛsɔ weyi efezi Yesu nɛ ɛlɩɩnɩ sɩɖaa taa yɔ e-Fezuu Kiɖeɖeu ɛwɛ mɩ-cɔlɔ lɛ, ɛzɩma ɛɛpɩzɩɣ ɛtɩŋnɩ e-Fezuu Kiɖeɖeu ŋgʋ́ kɩwɛ mɩ-cɔlɔ yɔ kɩ-yɔɔ nɛ efezi ɖɔɖɔ mi-tomnasɩ nzɩ́ sɩsɩkɩ yɔ?

12 Man-taabalaa mɩ, pʋ-yɔɔ lɛ, pɩkɛnɩ-ɖʋ kɩcɛyʋʋ se ɖɩla mbʋ́ pɩkɛdɩnɩ Fezuu Kiɖeɖeu yɔ. Ɛlɛ́, pɩtɛkɛnɩ-ɖʋ kɩcɛyʋʋ se ɖɩcaɣ wezuu ɛzɩ pɩkɛdɩnaʋ ɖa-maɣmaɣ yɔ.

13 Mbʋ́ pʋyɔɔ yɔ, yee ɩcaɣ wezuu ɛzɩ pɩkɛdɩnaʋ mɩ-maɣmaɣ yɔ yɔ, ɩsɩkɩ. Ɛlɛ́, yee pɩtɩŋnɩ Fezuu Kiɖeɖeu yɔɔ nɛ ɩkɔ mɩ-ɛzaɣ́tʋ lakasɩ ñʋʋ yɔ, ɩwɛɣ wezuu.

14 Mbá patɩŋa payɩ Fezuu Kiɖeɖeu wɩlɩɣ-wɛ nʋmɔʋ yɔ, pɛkɛ Ɛsɔ piya.

15 Mbʋ́ pʋyɔɔ yɔ, Fezuu ŋgʋ́ Ɛsɔ ha-mɩ yɔ, kɩtɛkɛ ŋgʋ́ kɩpɩsɩɣ-mɩ yomaa nɛ kiyeki se sɔɔndʋ ɛtasɩ-mɩ kpaʋ yɔ. Ɛlɛ́, ŋ́gʋ́ lɛ e-Fezuu ŋgʋ́ kɩpɩsɩɣ-mɩ e-piya nɛ kɩhaɣ paa ɖa-taa weyi waɖɛ se ɛ́yáa-ɩ se: «Man-Caa!» yɔ.

16 Fezuu Kiɖeɖeu maɣmaɣ heyi-ɖʋ se ɖɩkɛ Ɛsɔ piya.

17 Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.


Ɛsɔ caɣ se ɛyáa ɩwɛɛ e-koboyaɣ taa

18 Manawa se kʋñɔŋ ŋgʋ́ ɖɩtɔkɩ lɛɛlɛɛyɔ yɔ, paapɩzɩɣ pamaɣzɩ-kʋ nɛ koboyaɣ ŋgá Ɛsɔ kaɣ-ɖʋ wɩlʋʋ yɔ.

19 Mbʋ́ pɩtɩŋa payɩ Ɛsɔ labɩ kedeŋa yɔɔ yɔ, pɩɖaŋ alɩwaatʋ ndʋ́ Ɛsɔ lɩzɩɣ e-piya nɛ pana-sɩ yɔ kpam.

20 Mbʋ́ pʋyɔɔ yɔ, mbʋ́ Ɛsɔ labɩ kedeŋa yɔɔ yɔ, pɩpɩsɩ mbʋ́ pɩɩwazɩɣ pʋyʋ yɔ. Pɩtɛkɛ pɩ-maɣmaɣ pi-liu wɛnɩ ḿbʋ́, ɛlɛ́, Ɛsɔ ɖʋnɩ-pʋ ḿbʋ́. Ɛɖaŋaa se:

21 ɛkɔŋ yebu nɛ pʋwɛɛ pɩ-tɩ yɔɔ nɛ pɩtaatasɩ wɛɛkʋʋ ɛzɩ e-piya wɛʋ sɩ-tɩ yɔɔ e-koboyaɣ taa yɔ.

22 Ŋgʋ́, ɖɩna mbʋ́ Ɛsɔ labɩ kedeŋa yɔɔ yɔ pɩtɩŋa payɩ, pɩlakɩ kʋñɔŋ nɛ pisisiɣ halɩ nɛ sɔnɔ ɛzɩ halʋ caɣʋ lʋlʋʋ nɛ ɛlakɩ yɔ.

23 Pɩtasɩɩnɩ mbʋ́ ɛlaba yɔ pi-ɖeke. Ɛlɛ́, mbá ɖa ɛcalɩnɩ haʋ e-Fezuu Kiɖeɖeu nɛ kɩwɛɛ ɖɔ-cɔlɔ yɔ, ɖisisiɣ ɖɔɖɔ ɖa-taa nɛ ɖɩɖaŋ se Ɛsɔ ɛpɩsɩ-ɖʋ e-piya nɛ ɛya ɖa-ñʋʋ kpaagbaa kpem.

24 Mbʋ́ pʋyɔɔ yɔ, Ɛsɔ yabɩ ɖa-ñʋʋ, ɛlɛ́, ɖɩtana ɖa-ñʋʋ yabʋ tɩnaɣ. Pʋ-yɔɔ ɖɩɖaŋaa. Yee ɛyʋ ɛna mbʋ́ ɛɖaŋaa yɔ yɔ, ɖaŋʋʋ tɔm tatasɩ wɛʋ ɖɔɖɔ: anɩ pʋdʋ ñɛwɛɣ ɛɖaŋɩɣ mbʋ́ ɛnaɣ yɔ?

25 Ɛlɛ́, yee mbʋ́ ɖɩɩnaɣ yɔ ɖɩɖaŋaa yɔ, ɖɩɖaŋɩɣ-pʋ nesi naalɛ kpam.

26 Ḿbʋ́ ɖɔɖɔ pʋwɛɛ, Fezuu Kiɖeɖeu kɔŋ se kɩsɩnɩ-ɖʋ ɖɛ-ɛjandʋ taa. Mbʋ́ pʋyɔɔ yɔ, ɖɩɩsɩŋ mbʋ́ pʋmʋnaa se ɖɩpɔzɩ ɖɛ-Ɛsɔ sɛʋ taa yɔ. Ɛlɛ́, Fezuu Kiɖeɖeu maɣmaɣ sɛɣ-ɩ nɛ ɖɔ-nɔɔ nɛ kisisiɣ ɛzɩma mbʋ́ pɩfɛyɩ yɔɔdʋʋ yɔ.

27 Peeɖe Ɛsɔ weyi ɛnaɣ ɛyáa laŋa taa yɔ, ɛtɩlɩɣ mbʋ́ e-Fezuu Kiɖeɖeu caɣ pɔzʋʋ yɔ. Mbʋ́ pʋyɔɔ yɔ, kɩsɛɣ-ɩ ɛ-ñɩma yɔɔ ɛzɩ e-liu wɛʋ yɔ.

28 Đɩsɩm ḿbʋ́ se Ɛsɔ lakɩ tʋmɩyɛ pɩtɩŋa pɩ-taa se pʋwazɩ mbá pɔsɔɔlɩ-ɩ yɔ. Ḿbá lɛ mbá ɛya-wɛ ɛzɩ ɛɖʋʋ yɔ.

29 Mbʋ́ pʋyɔɔ yɔ, mbá ɛɛlɩzɩ ɖooo lɔŋ yɔ ɛɛɖʋwa se eyeki nɛ pɛwɛɛ ɛzɩ ɛ-Pɩyalʋ yɔ, nɛ ɛ-Pɩyalʋ ɛnʋ, ɛkɛ Ɛsɔ ñɩma ɖalʋ. Pɔɖɔ sakɩyɛ.

30 Mbá ɛɛɖʋ ɖooo lɔŋ se ɛlakɩ-wɛ ḿbʋ́ yɔ, ɛya-wɛ ɖɔɖɔ, nɛ mbá ɛya-wɛ yɔ, ɛpɩsɩ-wɛ kʋtʋʋzaa, nɛ mbá ɛpɩsɩ-wɛ kʋtʋʋzaa yɔ, eyele nɛ pɛwɛɛ e-Koboyaɣ taa.


Nabʋyʋ ɛɛpɩzɩɣ piposi-ɖʋ nɛ Ɛsɔ sɔɔlɩm

31 Se we ɖɩtasɩɣ yɔɔdʋʋ yɔ? Yee Ɛsɔ ɛwɛ ɖɔ-yɔɔ lɛ, anɩ pʋdʋ ñapɩzɩɣ ekizini-ɖʋ yɔ?

32 Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

33 Apɩzɩɣ ɛkʋyɩ mbá Ɛsɔ lɩzaa yɔ pɔ-yɔɔ? Nɔɔyʋ fɛyɩ, mbʋ́ pʋyɔɔ yɔ, Ɛsɔ ɖezini-wɛ.

34 Apɩzɩɣ ɛkʋ pɔ-tɔm? Nɔɔyʋ fɛyɩ, mbʋ́ pʋyɔɔ yɔ, Krɩstʋ Yesu sɩbɩna. Pɩtasɩɩnɩ pi-ɖeke, ɛlɛ́, efema nɛ ɛlɩɩnɩ sɩɖaa taa. Ɛwɛ Ɛsɔ cɔlɔ lone kɩbanɖɛ taa nɛ etendiɣ-i nɛ ɖɔ-nɔɔ.

35 Ɛbɛ pɩzɩɣ pɩlɩzɩ-ɖʋ Krɩstʋ weyi ɛsɔɔlɩ-ɖʋ yɔ e-nesi taa? Kʋñɔŋ naa sɔɔndʋ kadadaɣyaɣ naa wayɩ wɛʋ kaŋ kaŋ naa ñɔɔsɩ naa kʋñɔndʋtʋ naa tɩ lem sɩm nɔɔ taa yaa sɩm?

36 Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Ñɔ-yɔɔ lɛ, ɖɩwɛ sɩm nɔɔ taa wɩsɩ nɛ ɖoó nɛ palakɩ-ɖʋ ɛzɩ heŋ weyi powokini alikizaŋ tɛ se pakʋ yɔ.»

37 Ɛlɛ́, pɩtɩŋa payɩ pɩ-taa lɛ, pɩtɩŋnɩ weyi ɛsɔɔlɩ-ɖʋ yɔ ɛ-yɔɔ nɛ ɖɩwa kpaagbaa kpem.

38-39 Mbʋ́ pʋyɔɔ yɔ, manawa siŋŋ se: paa sɩm yaa wezuu yaa Ɛsɔ tiyiyaa yaa ɛsɔdaa awiya yaa ɛsɔdaa ɖoŋ yaa mbʋ́ pʋwɛ lɛɛlɛɛyɔ yaa pɩkaɣ kɔm yɔ yaa mbʋ́ pʋwɛ ɛsɔdaa yaa tɛtɛɛ yɔ yaa mbʋ́ Ɛsɔ laba yɔ, pɩ-taa nabʋyʋ ɛɛpɩzɩɣ pɩyasɩ-ɖʋ nɛ Ɛsɔ sɔɔlɩm mbʋ́ ɛtɩŋnɩ ɖa-Kɩpaɣlʋ Krɩstʋ Yesu yɔɔ nɛ ɛwɩlɩ-ɖʋ yɔ.

ကြှနျုပျတို့နောကျလိုကျပါ:



ကြော်ငြာတွေ