1 Yohanɛɛsɩ 1 - New Testament

Ɛsɔtɔm haɣ wezuu

¹ Nabʋyʋ kɛwɛɛ nɛ pʋcɔ Ɛsɔ la kedeŋa, ɖɩnɩ pʋ-tɔm nɛ ɖɩna-pʋ nɛ ɖɛ-ɛsɛ nɛ ɖɩcɔnɩ-pʋ kpem, ɖitukuni-pʋ nɛ ɖe-nesi. Ḿbʋ́ lɛ Tɔm ndʋ́ tɩhaɣ wezuu yɔ.

² Wezuu ŋ́gʋ́, pɩlɩzɩ-kʋ nɛ pɩwɩlɩ-ɖʋ nɛ ɖɩna-kʋ yɔɔ ɖɩlɩzɩɣ kɩ-aseɣɖe. Ŋ́gʋ́ lɛ wezuu maatɛŋ ŋgʋ́ kɩwɛ Caa Ɛsɔ cɔlɔ yɔ. Kʋ-tɔm ɖɩkɛdɩɣ-mɩ.

³ Điheyiɣ-mɩ mbʋ́ ɖɩnanɩ ɖɛ-ɛsɛ nɛ ɖɩnɩɩnɩ ɖa-nɩŋgbaaŋ yɔ se ɩkpɛndɩ ɖɔ-yɔɔ ɖa nɛ Caa nɛ ɛ-Pɩyalʋ Yesu Krɩstʋ ɖɛ-kpɛndʋʋ taa.

⁴ Đɩmaɣ-mɩ tɔm tʋnɛ se ɖa nɛ mɩ ɖa-laŋa ɩtɛzɩ hʋlʋmʋʋ.

Ñalɩmɩyɛ taa ɖɔm tɔm

⁵ Yesu Krɩstʋ tɔm ndʋ́ ɖɩnɩwa nɛ ɖɩkɛdɩɣ-mɩ yɔ, ńdʋ́ lɛ se: Ɛsɔ lɛ ñalɩmɩyɛ, cɩkpɛndʋʋ nakʋyʋ fɛyɩ ɖenɖe ɛwɛɛ yɔ.

⁶ Yee ɖɩtɔm se ɖa nɛ Ɛsɔ ɖɩlabɩ nɔɔ kʋɖʋmaɣ nɛ ɖɩwɛɛ ɖɩlakɩ cɩkpɛndʋʋ tɛɛ lakasɩ yɔ, ɖɩkɛ pɔpɔtɩnaa, ɖɩɩɖɔŋ toovenim nʋmɔʋ taa.

⁷ Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

⁸ Yee ɖɩtɔm se ɖɩtala kɩwɛɛkɩm nabʋyʋ yɔ, ɖɩcɛtɩɣ ɖa-tɩ, ɖɩtasɩ toovenim.

⁹ Ɛlɛ́, yee ɖiheyi ɖa-kɩwɛɛkɩm yɔ, Ɛsɔ kpeɣiɣ-ɖʋ-pʋ nɛ ɛñalɩ ɖa-kɩdɛkɛdɩm tɩŋa. Mbʋ́ pʋyɔɔ yɔ, ɛtʋʋzaa nɛ ɛlakɩ mbʋ́ ɛɖʋwa se ɛlakɩ yɔ.

¹⁰ Yee ɖɩkpɛzaa se ɖɩtala kɩwɛɛkɩm nabʋyʋ kaʋ yɔ, ɖɩyaɣ Ɛsɔ se cɛtɩyʋ, pɩwɩlɩɣ se ɖɩtasɩ ɛ-tɔm.