Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Galatəje 6 - Dɔnɔn kə̂ Siki: Tar kə̂ aw arə təbbə

1 Ngakɔnʼmje, sese kə̂ Ndil-mə-nda aw tɔjuse ddəw le bbo ingaje marə dəw dɔ majang tə̂ a, maji karə ə-təlje saa ddəw tə̂ kə̂ maji kə ndu kə̂ wul pee. A aa rɔi kə majɛ̂ mba əi kara, nɛ̂n a kasə ta nain tɔ.

2 Maji karə otoje nɛ̂n-koto kə naan, yeenn â to dda kula kə ndu Kristə.

3 Bbo dəw kə̂ to marə nɛ̂n ang oo rɔɛ̂ bo nya a, ne njaa naw nərə rɔɛ̂.

4 Maji karə dəw kâra kâra aa go kula-ddɛɛ̂ njaa oo. A bbo noo marə nɛ̂n kə̂ asə karə nunda nɛ̂n gue a, ne njaa nunda nɛ̂n gue, bbo ta nunn kula laa nɔju nɛ̂n kula lə marə dəw ang.

5 Mba dəw kâra kâra a kɔru naji nɛ̂nje kə̂ n̂-dda nɔn gɔl Lubba tə̂.

6 Maji karə dəw kə̂ daw tɔjɛ̂ Tar lə Lubba kayn dəbbə nɛ̂n-kingaje laa tɔyn arə dəw kə̂ aw tɔjɛ̂ Tar le.

7 Ərəje rɔse ang: Dəw asə koko Lubba ang, nɛ̂n kə̂ dəw dubbu a, a kuja kandɛ̂.

8 Dəw kə̂ dubbu nɛ̂n kə̂ bbo kə̂ da-rɔɛ̂ tə̂ ndiki a, nâ kuja nɛ̂n kə̂ bbo kə̂ da-rɔ tə̂ le aw ddee nɛ̂n: Nɛ̂n le to yo. Dəw kə̂ dubbu nɛ̂n kə̂ Ndil-mə-nda ndiki a, nâ kuja nɛ̂n kə̂ Ndil-mə-nda le aw ddee nɛ̂n: Nɛ̂n le to təbbə kə̂ to kə ndɔ kə ndɔ.

9 Maji karə n-ddaje maji, jarə rɔje nyaje tə̂ ang. Mba bbo juwa jarə ngəng ngaâ karɛ̂ asə a, ja kuja kandɛ̂.

10 Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.


Dɔbɔyn tar

11 Ooje kəm makəturu kə̂ ngɔngu nəənn. Əman njaa m-dda marəse kə jim.

12 Dəwje tɔyn kə̂ uwajese karə ujaje ganja le ndikije karə dəwje oojede maji kəmde tə̂. Nɛ̂n kə̂ daw sangə njaa to, karə koy lə Kristə dɔ kakə-dəsə tə̂ le dəwje ulaje kəmde ndoo mbɛɛ̂ ang.

13 Dede kə̂ dujade ganja le njaa kara n̂-ngəmje Ndu ang. A n̂-ndikije karə arəje dujase ganja bba ta kunda nɛ̂n gude.

14 A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

15 Mba kuja ganja wase kuja ganja ang to marə nɛ̂n ang. Nɛ̂n kə̂ ngəng â to, dda kə̂ Lubba dda arə n-ddeeje to dəwje kə̂ siki.

16 Dəwje tɔyn kə̂ a ddaje nɛ̂nje kə ddəw kə̂ m-tɔju nəənn kə dəwje lə Lubba tɔyn, maji karə Lubba dda arə məde wul lɔm ngaâ oo kəm-to-ndoo ləde tokə dəwje laa Ijarayɛlje.

17 Bbasinɛn nəənn, m-ndiki karə dəw dda arə məje tar ang ngaa. Mba koro-doje kə̂ rɔm tə̂ tɔju to m-to dəw lə Jeju.

18 Ngakɔnʼmje, maji karə mə-maji lə Əbbəjeje Jeju-Kristə nayn kə se. Amɛnn.

ကြှနျုပျတို့နောကျလိုကျပါ:



ကြော်ငြာတွေ