SHAKAWN KUNGDAWN 8 - Jinghpaw Hanson Version Bible

Sumpyi dum ai agyi a matu; Gihtit hte dum mai ai, Dawi a mahkawn ga langai mi.

¹ Anhte a Madu Yehowa e, Lamu hta, na a hpung shingkang shapraw ai wa gaw, Aga ting hta, na a mying nsang gaw, gade wa dan hkung nga a hka!

² Nang hpe je hpre ai ni a majaw, Gumlau ni hte manawn ai ni hpe jasim kau mu ga, Ma chyangai hte chyu chyu ai ni a n-gup hta, nang hpung shingkang tawn da ndai.

³ Na a sumsing lamu gaw, na a layung a amu, Nang tawn da ai shata hte shagan ni hpe ngai mada yu yang:

⁴ Nang adum nga ai shinggyim masha hte, Nang kawan yu nga ai masha kasha gaw, hpa wa mi rai nga a hka?

⁵ Nang shi hpe Karai Kasang hte loi mi sha shagrit da nna, Arawng sadang hte hpung shingkang shi hpe ka-up ya nu ai.

⁶ Na a lata amu ntsa e, nang shi hpe up shangun wu ai; Sagu bainam hte yamnga nlang hte hpe,

⁷ Nam e nga ai ashu ashan hpe mung, Ntsa malen na u ni, hka hta rawng ai nga ni,

⁸ Nammukdara a lam e pyau hkawm ai yawng hte hpe mung, Shi a lagaw npu e nang tawn da nu ai.

⁹ Anhte a Madu Yehowa e, Aga ting hta, na a mying nsang gaw, gade wa dan hkung nga a hka!