SHAKAWN KUNGDAWN 1 - Jinghpaw Hanson Version Bible

SHAWNG NA LAIKA Shakawn Kungdawn 1-41 Dinghpring Ai Wa Hte Tara N Lang Ai Wa

¹ Tara n lang ai ni a bawng ai hku hta n hkawm, Yubak kap ai ni a lam e n tsap, Jahpoi ai ni a hpawng hta n dung lawm ai sha,

² Yehowa a tara hta awng nga nna, Shi a tara hpe shani shana myit mang ai wa gaw, a nga ai.

³ Dai wa gaw hka kau e hkai ai, Shi a aten hta asi si nna, Alap mung n nyip ai hpun hte bung nga ai: Shi galaw ai yawng mayawng mung tai na ra ai.

⁴ Tara n lang ai ni chyawm gaw, dai zawn n rai; Nbung e shapoi ai mahkaw hte bung ma ai.

⁵ Dai majaw tara n lang ai ni, tara dara ai hta, Yubak kap ai ni, dinghpring ai ni a hpung hta, n rawt tsap lu na ma ai.

⁶ Kaning rai nme law, dinghpring ai ni a lam hpe Yehowa chye nga ai; Tara n lang ai ni a lam chyawm gaw, hten mat na ra ai.