SHAKAWN KUNGDAWN 93 - Jinghpaw Common Language Bible 2009

Hkawhkam Rai Nga Ai Karai Kasang

¹ Madu gaw hkawhkam rai nga ai. Shi gaw daru magam hpung shingkang hte n-gun hpe bu hpun da nga ai. Mungkan ga hpe ngang ngang kang kang shi gaw da nna dai gaw shamu shamawt n lu nga ai.

² Madu e, na a tingnyang gaw shawng npawt kaw nna ngang grin nga sai, nang gaw aten ahkying ni a shawng kaw nna pyi, nga nga nit dai.

³ Madu e, nammukdara a nsen ni ngoi kashaw nga ai; dai ni a nsen wu kadu ai hte kashaw nga ai.

⁴ Madu gaw nammukdara a ngoi kashaw ai hte panglai hka leng ni hta pyi grau nna daru magam n-gun rawng nga ai, sumsing lamu hta e tsaw htum ai hku up hkang nga ai.

⁵ Madu e, na a hkang da ai tara ni gaw htani htana agrin nga ai, na a Nawku Htingnu mung teng teng chyoi pra nga nna, htani htana agrin nga ai.