SHAKAWN KUNGDAWN 13 - Jinghpaw Common Language Bible 2009

Karum La Na Matu Akyu Hpyi Ai Ga

¹ Madu e, nang gaw galoi aten du hkra ngai hpe malap kau na ngu n ta? Htani htana du hkra kun? Nang gaw galoi aten du hkra ngai kaw na makoi nga na n ta?

² Ru tsang ai hpe kade na hkra ngai hkam sharang na rai nga a ta? Nye a myit masin hta yawn hkyen ai lam hpe kade na hkra shani shana jahpring ya na ngu n ta? Nye a gumlau hpyen ni nye a ntsa e awng padang kade na hkra dip la lu na ma ta?

³ Madu nye a Karai Kasang e, ngai hpe mada yu nna htan ya e. Ngai n si u ga, ngai hpe n-gun bai jaw ya e.

⁴ “Anhte gaw shi hpe dang kau sagaw ai,” nga nna nye a gumlau hpyen ni hpe hkum lu shangun et; Nye a hkrat sum ai lam shanhte hpe hkum yu kabu shangun et.

⁵ Ngai gaw na a dinggrin tsaw ra myit hpe kam hpa nga nngai; nang ngai hpe hkye mawai la na rin dai majaw ngai kabu gara nga na nngai.

⁶ Madu e, nang gaw ngai hta mai kaja nga nit dai majaw; ngai nang hpe mahkawn mangoi nga na nngai.