SHAKAWN KUNGDAWN 1 - Jinghpaw Common Language Bible 2009

LAIKA LANGAI (Shakawn Kungdawn 1-41 ) Teng Man Ai Kabu Gara Lam

¹ N hkru ai masha ni a hpaji daw ai lam hpe ningdang ai ni, yubak kap ai ni a kasi hta n hkan nang ai ni, Karai Kasang hpe jahpoi asawng ai ni hte rau n dung lawm ai ni gaw a nga ai.

² Shingrai na malai, dai Madu a Tara hpe madat mara nna, dai Tara hpe shani shana sharin la ai ni gaw kabu gara ai hpe mu la nga ma ai.

³ Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

⁴ Rai ti mung, n hkru ai masha ni gaw dai zawn n rai; shanhte gaw nbung e shapoi ai numhkaw hte bung nga ma ai.

⁵ Yubak kap ai ni gaw Karai Kasang a daw dan ai hkrum na mara ai, Karai Kasang a amyu masha kaw nna jahka kau ai hkrum na mara ai.

⁶ Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.