HPAJI NINGLI 9 - Jinghpaw Common Language Bible 2009

¹ Ndai lam yawng mayawng hte seng ai lam hpe galu galang hte ja ja ngai myit sumru yu ai shaloi, hpaji rawng ai hte ding hpring ai masha ni a magam bungli ni hte hpawn shanhte a tsaw ra myit hte n ju n dawng ai lam ni hpe pyi Karai Kasang hkang nga ai hpe mu nngai. Kadai mung hpang e hpa byin na lam hpe n chye lu nga ai.

² Dai gaw hpa mung galai shai shangun nga ai n rai. Ding man ai hte tara n lang ai, kaja ai hte n kaja ai, nawku kam sham ai hte n kam n sham ai, shagu hkungga ni hpe nawng jau ai ni hte n nawng jau ai ni a jahtum na maka gaw maren sha rai nga ai. Mai kaja ai wa gaw yubak kap ai wa hta grau kaja nga ai n rai; dagam shaka ai wa gaw n dagam shaka ai wa hta grau kaja nga ai n rai.

³ Yawng a gam maka gaw langai sha hte maren sha rai nga ai. Dai gaw ndai mungkan ga hta byin nga ai lam hpa hte mung shut nga ai. Shinggyim masha ni ahkrung nga dingsa, shanhte a myit mang ai gaw n hkru nna mana angawk ai hte hpring nhtawm akajawng sha shanhte si mat nga ma ai.

⁴ Rai ti mung, mungkan ga hta hkrung nga ai ni kadai mung asak hkrun lam hta myit mada shara nga nga ai; hkrung nga ai gwi gaw si mat sai hkanghkyi hta grau kaja nga ai.

⁵ Rai sa, hkrung nga ai ni gaw shanhte si na hpe chye nga ma ai, rai ti mung si mat sai ni chyawm gaw hpa n chye ma ai. Shanhte gaw hpa shabrai mung n hkam la lu ma ai; shanhte gaw tsep kawp malap kau ai hkrum na ma ai.

⁶ Shanhte a tsaw ra ai lam ni, n ju n dawng lam ni hte ra marit ai lam ni yawng gaw shanhte hte rau si mat nga ai. Shanhte gaw ndai mungkan hta byin hkrum hkra ai hpa lam hta mung galoi mung shang lawm lu sana ma ai n rai.

⁷ Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

⁸ Tut nawng kabu gara ai hte kabu pyaw nga u.

⁹ Ndai mungkan ga hta Karai Kasang nang hpe jaw ya sai kaman lila aprat e, nang hkrung nga dingsa nang tsaw ra ai num hte pyaw pyaw rai nga u; Dai ru yak tsin-yam yawng hpe nang shakut malan na rai nga ndai majaw kaman lila nhtoi shagu hta kabu pyaw ai hte nga nga u.

¹⁰ Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

¹¹ Ndai mungkan ga hta kagat chyang ai ni shingjawng poi hta tut nawng dang ai n rai; share shagan hpyenla ni hpyen majan hta tut nawng dang ai n rai; hpaji rawng ai ni lusha shahpa tut nawng lu ma ai n rai, zai hpaji rawng ai ni tut nawng sut su ai n rai; atsam rawng ai ni tsaw ai madang de tut nawng rawt lung wa ai n rai. N kaja ai gam maka gaw masha shagu hta nga ai lam hpe ngai dum chye nngai.

¹² Na a aten du wa nga ai hpe nang galoi mung chye nga ndai n rai. Ntsa malen u ni gaw mahkam hta akajawng sha lu ai hte nga mung sumgawn hta lu ai zawn byin ang ai n hkru ai aten hta anhte n dum shami mahkam hkam hkrum nga ga ai.

Hpaji Byeng-Ya Hte Angawk Angak Lam Hpe Myit Mang Ai Lam Ni

¹³ Ngai gaw lam lama mi naw nga nga ai hpe mu nngai. Hpaji byeng-ya gaw mai kaja ai kasi rai nna ndai mungkan ga hta hkungga ging nga ai.

¹⁴ Masha law law n nga ai mare kaji langai mi nga ai. N-gun rawng ai hkawhkam langai mi dai hpe htim gasat nga ai. Shi gaw dai hpe wang gawan da nhtawm mare bunghku ni hpe adawt waw hkyen wu ai.

¹⁵ Dai mare hta matsan mayan re ai wa langai mi nga nga ai, rai ti mung shi gaw grai myit let ai rai nna dai mare hpe hkye la lu wu ai. Rai ti mung, shi a lam hpe kadai mung n myit dum ma ai.

¹⁶ Ngai chyawm gaw hpaji byeng-ya gaw n-gun atsam hta grau kaja nga ai ngu tut nawng tsun nga ti mung, dai matsan mayan rai nna hpaji rawng ai wa a lam hpe kadai n myit yu ma ai; shi tsun ai ga hpe kadai n madat ya ma ai.

¹⁷ Angawk ai ni a kongsi hpawng hta mungdu wa jahtau tsun ai ga madat na hta hpaji rawng ai wa a ga hpe asim sha madat na gaw grau mai kaja nga ai.

¹⁸ Hpaji byeng-ya gaw hpyen laknak ni hta grau kaja nga ai; rai ti mung yubak kap ai wa mahtang mai kaja ai amu law law hpe jahten kau lu nga ai.