Yowaho faina 1 - Deoso-ka Yama Hani

¹ Yowaho bote ama·oni. Deoso‑ka mai‑ya ka‑kasoma ama·oni. Kayo, tika yama hani‑bone okanahanaboneni. Deoso ati ene tiwa onofi nafineni.

² Kayo, tiwa onofa, Deoso‑ya tiwa tamine ohiyarateni, tiwati sawabonehe. Tiwatibodi amosa‑nima tiwa abano amosabone oteni.

³ Tiwa tamine‑ya ai‑ka mai one kamina, ya‑yai·oneni. Deoso ati tikadaba, Deoso ati‑nima tinamone mai ati na, mai ati ihi ya‑yai·oneni.

⁴ Deoso ati‑ya oka dao tokadabe tamine omita, owa ya‑yaini nafi, yama one tamine omita, owa ya‑yaini bi‑bidi teni.

⁵ Tiwa ene amosa, Deoso‑ka mai tikasoma, hibati‑ya mai tiwatora, Deoso ati‑ya mai ka‑kamina mai tikasoma titeni.

⁶ Mai tikasomamone oda‑ya tiwa tamine‑ya mai kaminawahani. Deoso ati‑ya mai ka‑kamina‑bone Bara mai tabori‑ya mai tokabone, Deoso tiwa‑ya kasomi‑nima mai‑ya tikasoma, tiwa ene amosateni.

⁷ Yeso Kirisito ati ene mai tokineni, Deoso tamine‑ya mai hiyarabonehe. Deoso ati‑ya mai nofara mai‑ka yinero‑ya mai kayafaterani.

⁸ Deoso ati‑ya ai no‑nofa yinero ai daanibisahi, mai‑ka yinero‑bonaha. Mai ai kasoma, mai manakone amosa kote ai kayafaboneni.

⁹ Deoso ati‑ya mai no‑nofa, dai tabaro‑ya mai wi‑wina, mai‑ka yama hani‑bone okanahanamaroni. I‑di Di·oterefesi hini‑ya kahiyare, “Deoso‑ka mai‑ka hidi ama·oni.” Ati ne, oka yama hani‑ya nofaremarine.

¹⁰ Okomiya, owati‑ya mitebonane. Oda tamine‑ya keyehe‑ya hiritene. Deoso ati‑ya mai ka‑kamina, i‑di Di·oterefesi tabaro‑ya mai toka, mai‑ya natafare, i‑di Di·oterefesi‑ka mai one mai‑ya mai natafabone mai ati na, mai‑ya i‑di Di·oterefesi ati baritene. “Mai dai natafiya, oda‑ya dai dabamaraboneni.” Ati tene.

¹¹ Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.

¹² I‑di Demetiro ene amose‑mona mai ati na, fare Deoso ati tohaharinane. Demetiro ene amose, ene oawemarine. Owati tiwatoteni. Keyehe‑ya hiri·oterani.

¹³ Owati damabone ona, yama owati kanahano nofarini.

¹⁴ Tiwa‑ya owati foya, tiwa awa kanibote onabone oneni. Ai ibi koboniya, tiwa ohiyaraboneni.

¹⁵ Deoso tiwa‑ya sawibonane. Owa‑kaya mai wi‑wina tiwa‑ya mai nofa, tiwa‑kaya mai wi‑wina owa tamine‑ya mai tihiyarahi.