Nehemaya 7 - BAYỊBURU Izii

¹ A kpụ-ghechaa igbulọ ono; mu bya eyeshikọta iya mgbo. A bya ahọo ndu nche ọnu-ọguzo; mẹ ndu ebvu; mẹ ndu Lívayi.

² Ndu mu meru ishi ndu Jierúsalẹmu bụ nwune mu Hanani; yẹle Hananaya, bụ onye-ishi ụlo-mgbobuta. Noo kẹle Hananaya bụ onye e gude ire iya ẹka; tẹme ọ ka atsụ Chileke ebvu eme l'igwerigwe ndu ọzo.

³ Iphe, mu pfuru phẹ bụ: “G'a ta agụhajekwa ọnu-abata Jierúsalẹmu ghebe ọnu l'ẹbe abụ l'ẹnyanwu gbakotaru. Ọ -bụru lẹ ndu nche nọkwadu lẹ nche; g'a gụ-chishije mgbo iya agụ-chishi swọbechaa ya mgbọrígwè. Unu shi lẹ ndu bu lẹ Jierúsalẹmu họta ndu nche; g'ẹphe cheje nche l'ẹka dụ k'eche nche; ndu ọphuu anọdu l'iphu ụlo phẹ eche.”

Ndu shi l'ẹka a kpụru phẹ lẹ ndzụ lwa

⁴ Jierúsalẹmu bụ eze mkpụkpu, ha shii bya aha kẹ phorokotokongu; ọphu ndu nọ iya nụ abadụ nwishi; tẹme ọphu ọ dụdu ụlo, a kpụwaru iya.

⁵ Tọbudu iya bụ; Chileke mu yee mu iya l'obu gẹ mu kukọo ndu ono, a maru ẹpha phẹ ono; mẹ ndu-ishi; mẹwaro ndu ọzo g'e deshia ẹpha phẹ l'eri phẹ l'eri phẹ. Mu bya ahụma ẹkwo, e deshiru ẹpha ndu vu ụzo, shi l'ẹka a kpụru phẹ lẹ ndzụ lwa; mbụ ẹkwo, e deshiru phẹ l'eri phẹ l'eri phẹ. Iphe, mu hụmaru, e deru l'ẹkwo ono bụ:

⁶ Waa ndu Ízurẹlu ono, shi l'alị Bábilọnu lwa; mbụ ndu ono, a kpụjeru lẹ ndzụ laa alị ọzo, bụ iya bụ ndu Nebukadineza, bụ eze ndu Bábilọnu kpụkojeru laa Bábilọnu ono. Ẹphe lwarụ Jierúsalẹmu; mẹ Jiuda; onyenọnu lashịchaa mkpụkpu ẹka o shi.

⁷ Ndu ẹphe tso lwa bẹ bụ Zerúbabelu; mẹ Jieshuwa; mẹ Nehemaya; mẹ Azaríya; mẹ Ramaya; mẹ Nahamani; mẹ Mọdekayi; mẹ Bilishanu; mẹ Misupẹretu; mẹ Biguvayi; mẹ Nahumu; mẹ Bana. Waa gẹ ndu Ízurẹlu ono ha bụ ọwana:

⁸ Oshilọkpa Paroshi bẹ dụ ụnu ise l'ụkporo ẹsato l'ụmadzu iri l'ẹbo.

⁹ Oshilọkpa Shefataya dụ ụkporo iri l'ẹsato l'ụmadzu iri l'ẹbo.

¹⁰ Oshilọkpa Ara dụ ụnu nemadzụ l'ụkporo iri l'ẹbo l'ụmadzu iri l'ẹbo.

¹¹ Oshilọkpa Pahatu-Mówabu, bụ iya bụ ndu shi l'eri Jieshuwa yẹle Jiowabu bẹ dụ ụnu ẹsaa l'iri l'ẹsato.

¹² Oshilọkpa Elamu dụ ụnu ẹto l'ụkporo labọ l'ụmadzu iri l'ẹno.

¹³ Oshilọkpa Zatu dụ ụnu labọ l'ụkporo labọ l'ụmadzu ise.

¹⁴ Oshilọkpa Zakayi dụ ụnu nemadzụ l'ụkporo iri l'ẹsato.

¹⁵ Oshilọkpa Binuyi dụ ụnu l'ụmadzu ụkporo iri l'ẹbo l'ụmadzu ẹsato.

¹⁶ Oshilọkpa Bebayi dụ ụnu l'ụmadzu ụkporo iri lẹ nanụ l'ụmadzu ẹsato.

¹⁷ Oshilọkpa Azụgadu dụ ụnu ise l'ụkporo iri l'ishii l'ụmadzu labọ.

¹⁸ Oshilọkpa Adonikamu dụ ụnu l'ụkporo iri l'ẹto l'ụmadzu ẹsaa.

¹⁹ Oshilọkpa Biguvayi dụ ụnu ise l'ụkporo ẹto l'ụmadzu ẹsaa.

²⁰ Oshilọkpa Adinu dụ ụnu ụkporo iri l'ẹbo l'ụmadzu iri l'ise.

²¹ Oshilọkpa Ateya, bụ iya bụ ndu shi l'eri Hezekáya bẹ dụ ụkporo ẹno l'ụmadzu iri l'ẹsato.

²² Oshilọkpa Hashumu dụ ụkporo iri l'ishii l'ụmadzu ẹsato.

²³ Oshilọkpa Bezayi dụ ụkporo iri l'ishii l'ụmadzu ẹno.

²⁴ Oshilọkpa Harifu dụ ụkporo ise l'ụmadzu iri l'ẹbo.

²⁵ Oshilọkpa Gibiyọnu dụ ụkporo ẹno l'ụmadzu iri l'ise.

²⁶ Unwoke, shi lẹ Bẹtulehemu mẹ Netofa bẹ dụ ụkporo tete l'ụmadzu ẹsato.

²⁷ Ndu kẹ Anatọtu dụ ụkporo ishii l'ụmadzu ẹsato.

²⁸ Ndu kẹ Bẹtu-Azụmavetu bẹ dụ ụkporo labọ l'ụmadzu labọ.

²⁹ Ndu kẹ Kiriyatu-Jiarimu; mẹ Kefira; mẹ Berotu dụ ụnu l'ụkporo iri l'ẹsaa l'ụmadzu ẹto.

³⁰ Ndu kẹ Rama; mẹ Geba dụ ụnu l'ụkporo iri lẹ nanụ l'onye lanụ.

³¹ Ndu kẹ Mikumashi dụ ụkporo ishii l'ụmadzu labọ

³² Ndu kẹ Bẹtelu; mẹ Eyayi dụ ụkporo iri lẹ nanụ l'ụmadzu ẹto.

³³ Ndu kẹ Nebo ọphunapho bẹ dụ ụkporo labọ l'ụmadzu iri l'ẹbo.

³⁴ Ndu kẹ Elamu ọphunapho bẹ dụ ụnu ẹto l'ụkporo labọ l'ụmadzu iri l'ẹno.

³⁵ Ndu kẹ Harimu dụ ụkporo iri l'ishii.

³⁶ Ndu kẹ Jieriko dụ ụkporo iri l'ẹsaa l'ụmadzu ise.

³⁷ Ndu kẹ Lodu; mẹ Hadidi; mẹ Ono bẹ dụ ụnu l'ụkporo iri l'ishii l'onye lanụ.

³⁸ Ndu kẹ Senaa dụ ụnu tete l'ụkporo iri l'ishii l'ụmadzu iri.

³⁹ A bya lẹ ndu-uke Chileke: Oshilọkpa Jiedaya, bụ iya bụ ndu shi l'ọnu-ụlo Jieshuwa bẹ dụ ụnu labọ l'ụkporo ẹsato l'ụmadzu iri l'ẹto.

⁴⁰ Oshilọkpa Ima dụ ụnu labọ l'ụkporo iri l'ẹbo l'ụmadzu iri l'ẹbo.

⁴¹ Oshilọkpa Pashọ dụ ụnu ẹto l'ụkporo labọ l'ụmadzu ẹsaa.

⁴² Oshilọkpa Harimu dụ ụnu labọ l'ụkporo iri l'ụmadzu iri l'ẹsaa.

⁴³ A bya lẹ ndu Lívayi: Oshilọkpa Jieshuwa; mẹ Kadụmelu, bụ iya bụ ndu shi l'eri Hodavaya bẹ dụ ụkporo ẹto l'ụmadzu iri l'ẹno.

⁴⁴ A bya lẹ ndu agụje ebvu: Oshilọkpa Asafu bẹ dụ ụkporo ẹsaa l'ụmadzu ẹsato.

⁴⁵ A bya lẹ ndu nche ọnu-abata: Oshilọkpa Shalumu; mẹ oshilọkpa Ateya; mẹ oshilọkpa Talụmonu; mẹ oshilọkpa Akubu; mẹ oshilọkpa Hatita; mẹ oshilọkpa Shobayi bẹ tụkoru dụ ụkporo ishii l'ụmadzu iri l'ẹsato.

⁴⁶ Ndu anọduje eje ozi l'eze-ụlo Chileke bụ: Oshilọkpa Ziha; mẹ oshilọkpa Hasufa; mẹ oshilọkpa Tabayotu;

⁴⁷ mẹ oshilọkpa Kerosu; mẹ oshilọkpa Siya; mẹ oshilọkpa Padọnu;

⁴⁸ mẹ oshilọkpa Lebana; mẹ oshilọkpa Hagaba; mẹ oshilọkpa Shamụlayi;

⁴⁹ mẹ oshilọkpa Hananu; mẹ oshilọkpa Gidẹlu; mẹ oshilọkpa Gaharu;

⁵⁰ mẹ oshilọkpa Reyaya; mẹ oshilọkpa Rezinu; mẹ oshilọkpa Nekoda;

⁵¹ mẹ oshilọkpa Gazamu; mẹ oshilọkpa Uza; mẹ oshilọkpa Paseya;

⁵² mẹ oshilọkpa Besayi; mẹ oshilọkpa Meyuni; mẹ oshilọkpa Nefisimu;

⁵³ mẹ oshilọkpa Bakụbuku; mẹ oshilọkpa Hakufa; mẹ oshilọkpa Hahuru;

⁵⁴ mẹ oshilọkpa Bazulutu; mẹ oshilọkpa Mehida; mẹ oshilọkpa Hasha;

⁵⁵ mẹ oshilọkpa Bakọsu; mẹ oshilọkpa Sizera; mẹ oshilọkpa Tema;

⁵⁶ mẹ oshilọkpa Nezaya; mẹ oshilọkpa Hatifa.

⁵⁷ A bya lẹ ndu bụ oshilọkpa ndu-ozi Sólomọnu bụ: Oshilọkpa Sotayi; mẹ oshilọkpa Sofẹretu; mẹ oshilọkpa Perida;

⁵⁸ mẹ oshilọkpa Jiala; mẹ oshilọkpa Dakọnu; mẹ oshilọkpa Gidẹlu;

⁵⁹ mẹ oshilọkpa Shefataya; mẹ oshilọkpa Hatilu; mẹ oshilọkpa Pokẹretu-Hazebayimu; mẹ oshilọkpa Amọnu.

⁶⁰ Ndu eje ozi l'eze-ụlo Chileke g'ẹphe ha; mẹ oshilọkpa ndu-ozi Sólomọnu bẹ dụ ụkporo iri lẹ tete l'ụmadzu iri l'ẹbo.

⁶¹ Ndu ọwana bụ ndu ọphu shi lẹ mkpụkpu Tẹlu-Mela; mẹ lẹ mkpụkpu Tẹlu-Hasha; mẹ lẹ mkpụkpu Kerubu; mẹ lẹ mkpụkpu Adọnu; mẹ lẹ mkpụkpu Ima lwa. Ọle ndu ono ta adụdu ike goshi ọnu-ụlo, ẹphe shi fụta; mẹ oshilọkpa onye ẹphe bụ; k'ọphu ee-shi nno maru ?ẹphe bụa ndu Ízurẹlu?

⁶² Oshilọkpa Delaya; mẹ oshilọkpa Tobaya; mẹ oshilọkpa Nekoda bẹ dụ ụnu l'ụkporo iri l'ẹbo l'ụmadzu labọ.

⁶³ A bya l'oshilọkpa ndu-uke Chileke: oshilọkpa Hobaya; mẹ oshilọkpa Hakọzu; mẹ oshilọkpa Bazịlayi; nwoke ono, lụru nwada Bazịlayi k'alị Giladu; a nọdu ekuwa iya rọ ẹpha ala l'ẹpha iya.

⁶⁴ Ndu ono bẹ a chọru ẹpha phẹ l'ẹkwo, e deru g'e gude nwụshia phẹ; ọle a ta ahụmaduru ẹpha phẹ l'ẹkwo ono. Ọo ya bụ; e wofu phẹ g'ẹphe ta abụheru ndu-uke Chileke; dobe phẹ gẹ ndu aasọ nsọ.

⁶⁵ Ọchi-ọha bya asụ g'ẹphe ta ayịjeshiru ria nri, kakọta adụ nsọ jasụ teke ee-nweru onye uke Chileke, e-gude ido Urimu; waa Tumimu kpata Chipfu ishi.

⁶⁶ A -kpakọta igwe-ọha ono bẹ ẹphe dụ ụkporo ụnu ise l'ụnu ise l'ụkporo iri l'ẹsato;

⁶⁷ a -gụfukwa ndu-ozi phẹ unwoke; mẹ ụnwanyi, ndu dụ ụnu iri l'ẹsato l'ụkporo ishii l'ụmadzu iri l'ẹsaa. Ẹphe nwekwarụpho ụkporo ụmadzu iri l'ẹbo l'ụmadzu ise, bụ unwoke yẹle ụnwanyi, anọduje agụ ebvu;

⁶⁸ bya enweru ịnya, dụ ụnu l'ụkporo iri l'ishii l'ịnya iri l'ishii. Ẹphe nweru ịnya-mulu, dụ ụkporo iri l'ẹbo l'ịnya-mulu ise.

⁶⁹ Ịnya-kamẹlu phẹ dụ ụnu l'ụkporo l'iri l'ise; bya enweru nkapfụ-ịgara, dụ ụnu iri l'ishii l'ụkporo iri l'ishii.

⁷⁰ O nweru ndu-ishi l'ẹnya-unuphu ibe nna phẹ, nụru iphe g'e gude yeta ẹka jee ozi ono. Ọchi-ọha bẹ yeru ẹkpa mkpọla-ododo iri l'ụlo-ẹku; mẹ gbamụgbamu, dụ ụkporo labọ l'iri; mẹ uwe ndu-uke Chileke, dụ ụnu uwe l'ụkporo ishii l'iri.

⁷¹ Ndu bụgbaa ishi l'ẹnya-unuphu ibe nna phẹ harụ woru mkpọla-ododo, dụ ụkporo ụnu ugbo labọ l'ụnu iri; nụ g'e dobe l'ụlo ẹku, ee-gudeje jee ozi ono; bya anụ mkpọla-ọchaa, dụ ụkporo ụnu ugbo iri l'ẹto l'ụnu iri l'ise.

⁷² Mkpakọ iphe, ndu ọzo nụru bụ mkpọla-ododo, dụ ụkporo ụnu ugbo labọ l'ụnu iri; mẹ mkpọla-ọchaa, dụ ụkporo ụnu ugbo iri l'ẹbo l'ụnu iri; mẹ uwe ndu-uke Chileke, dụ ụkporo ẹto l'ẹsaa.

⁷³ Tọbudu iya bụ; ndu-uke Chileke; mẹ ndu Lívayi; mẹ ndu nche ọnu-ọguzo; mẹ ndu agụje ebvu; mẹ ndu eje ozi l'eze-ụlo Chileke; mẹwaro ndu ọzo; mẹ ndu Ízurẹlu g'ẹphe ha tụko buchaaru lẹ mkpụkpu lẹ mkpụkpu phẹ.