Jieremaya 47 - BAYỊBURU Izii

Ozi, e ziru ndu Filisitayinu

¹ Ọwaa bụ Opfu Chipfu, bụ ọphu rwuru Jieremaya nchị, bụ opfu ẹhu ndu Filisitayinu; tẹme Fero bya etsoo ndu mkpụkpu Gaza ọgu.

² Wakwa iphe, Chipfu epfu baa: Lewarọ gẹ mini shi l'ụzo isheli abya kẹ kụlakula. Oo-mecha bụru utso, asọ gborogboro. Ọo-sọ-kputa alị l'ophu; yẹe iphemiphe, nọ iya nụ; sọpyabe mkpụkpu; yẹe onyemonye, bu iya nụ. Ndu ono e-chishi mkpu. Mbụ l'iphe, bụ ndu bu l'alị ono a-tụ ụzu-ẹkwa.

³ Mbụ l'ẹphe -nụmaepho igiji ichirupfu-ọkpa ịnya phẹ; bya anụma ụzu ụgbo-ịnya ndu ọhogu phẹ; yẹe kwọkiri kwọkiri, ọkpa ụgbo-ịnya phẹ ono eme bẹ ndu bụ nna tee leẹdu ẹnya l'azụ k'eyeru ụnwu phẹ ẹka. Ẹka a-tụhu phẹ lwakpalwakpa.

⁴ Kẹle mbọku rwuakwaru teke ee-mebyishikọta ndu Filisitayinu g'ẹphe hakọta. L'e mee gẹ nwa ndu phọduru nụ, bụ ndu gege eyeru ndu mkpụkpu Taya yẹe ndu mkpụkpu Sayịdonu ẹka chịhu; kẹle Chipfu abyakwa emebyishi ndu Filisitayinu; mbụ nwa ndu phọduru nụ lẹ ndu alị Kafụto.

⁵ Ndu mkpụkpu Gaza kpụshiwaru ishi aphụ. Ndu mkpụkpu Ashikelọnu bẹ a lawarụ l'iswi. Sụ-a; unubẹ nwa ndu ọphu phọduru lẹ ndu Anaku; ?unu e-yejashịkpoo onwunu ẹgube-a jasụ teke ole?

⁶ “Sụa-a; gụbe ogu-echi Chipfu; ?bụkpoo teke ole bẹ oo-jeberu l'ịikabe tụta unme? Kabẹnu mịru onwongu yee l'ọbo! Tụtanu unme; nọdunu nwa nggujingguji!

⁷ Ọle ?dẹnukwanu g'oo-shi nọdu nwadoo l'ẹka iile ẹnya lẹ Chipfu tụwaru iya ekemu sụ g'ọ lwụa ndu mkpụkpu Ashikelọnu; yẹe ndu bu l'agụga eze-ẹnyimu? Mbụ l'onoo g'o pfuwaru l'ọo-dụ bụ ono.”