Salmo 13 - Blaan Sarangani

I to là gfisan du ftabeng di Dwata

Ani satu lingag Dabid.

¹ Amugu Dwata, tan i klom fa mlifet deg? Kel kè di landè sen? Kel di kilen kafbayaam deg?

² Tan i klogu fa tmayud di klidù i nawagu? Mlidù nawagu tayud duh di kafsasè i dad to dmuen deg.

³ Amugu Dwata, neyem i kagkahgu na tnabengam agu; fuléam di deg i kgalgu du fye là agu fles mati;

⁴ du ku fles agu mati ken manla, “Tagfisanmi kenen,” na lehew i dad mlayam deg di kagfisangu.

⁵ Kabay smalig agu di kakdom landè kgilin, na too agu lehew du falwaam agu kadang.

⁶ Amugu Dwata, mlingag agu di ge du mdà di bong kafyem di deg.