TUGURUK YIDNAK WENE 19 - Nanduk Ngget Tul Pidnak Wene

Enlengen karuk-net yugwi wene 19:15-21

¹⁵ Musa-nen yosolar-e: ”Ap misiget nak-nen: ’Ap misik meya kwarosola kagi-o’ yuwa iri na-ge ndag-e lag-o. Alat nde, ap mberen-net enlengen kaidnak ala perak ob-o.

¹⁶ Ap misik-nen anggam iri na mberak peyekluk, wene mbenarugwi sa-nen yosolar-e: ’At iri-ge iri nggal kwarosola kagi-o’ luk obok posola-ge,

¹⁷ it mberensa-t wene mbenarugwi nap-nen yabu wanugwi sa Nagawan Indo-nen at erembel wanurak ondoro lenak pidnak iri na me tepan ombo min wene mbarugwi nap min-nen wene na mbenaruwakluk mbururag-o.

¹⁸ Mborogola-ge, wene mbenarugwi nap-nen-e wene iri nde kwara mbenatluk nde, it Isarael nap-net nde anggam enesiget wene ebem pidnak ala-ge,

¹⁹ anggam iri kwat uburak indi arem yimnidnak iri na-ge at nde kwat uburag-o. Iri nggal kwasa meya iri nggal-e kit kennggendumu-nen lak tak purag-o.

²⁰ Iri kwarugupmu-ge, iri wene na-ge ap oboksa-nen kuluruk, it-nen iri nggal ennggam ebem purag-e kwiye luk, enpem puwa bug-o.

²¹ Ap iri nggal kwarugwi nab-e mondok enabuwa yurak pug-o. Iri kwarogola, angin worak enpem pogolar-e, indi onggo-ge indi-t purag-o. Erengen onggo-ge erengen-et purag-o. Eyak onggo-ge eyag-et purag-o. Inggi onggo-ge inggi-t purag-o. Unuwok onggo-ge ujog-et purag-o” luk yij-o.