TUGURUK YIDNAK WENE 18 - Nanduk Ngget Tul Pidnak WeneMbal Pem Nagawan-nen at ene lomboksa yoso nap misik wok undurak urul yak indidnak wene 18:14-22 14 Misik tarem-e Musa-nen yosolar-e: ”Ap o kit nggugup sa iri me worali nab-e kugwi ombol pem nggoso nap min yenggerak purak mende kore yugwi nap min enne kulugwi-o. Alat nde, Nagawan Indo Kenmbal Pem Nagawan-nen-e kir-e it-nen kwatli iri mende kwarurag-e mondok isili-o. 15 Alat nde, nit nenlem nab-et at ene lomboksa yoso nap misik an nggal kendam ibil lobok yuwa-o. Iri yosola-ge, kir-e mondok at-nen yidnak yidnag-et kwarurag-o. 16 Nde, kit Sinai ndobo bem ndok wirigepndik woragolar-e: ’Nagawan Indo Nenmbal Pem Nagawan-nen wene yosola kologolat, kan mare arem worala kagolar-e wat mul-o’ luk kwiye yogolar-e, yongga kundurak pem nggi yak nirigeb-o. 17 Nde, kit-nen kwiye yogola, Nagawan Indo-nen an yak norosolar-e: ’It-nen nggi yiga iri-ge mondok konak lombok nggi yiga o. 18 It enlem nap ennggendumu-net kat nggal an nene lomboksa yoso nap misik it endam lena wirik pil lobok yimin-o. Nde, an-nen-e at-nen yurak wene-ge yak timin-o. Yak tumu-ge, at-nen-e at-nen yurak wene ebem pimin iri na-ge it yak unduwa-o. 19 Iri yosolar-e, at-nen-e an nunu bem-et yuwa-o. Nde, ta-nen nde at-nen yidnak wene kuligit lak yogola-ge, an-e onggo-t pimin-o. 20 Alat nde, an-nen-e wirik ibigit lag-et nde, ap misik-nen nde an nene lomboksa yoso nap nggal ”An-e Mbal Pem Nagawan unu bem yusu-o” luk, kwiye lag-et yosola-ge, at iri-ge mondok wat ma-o. Nde, iri nggal-et kugwi ene kulugwi nap-nen nde kugwi unu bem wene yogola-ge, mondok wat ma-o’ yij-o. 21 Kit erep-nen-e kinndi arem-nen peragolar-e: ’Ap iri-nen yusu iri-ge ndemeret Nagawan Indo-nen yidnak wene yusu, lak? luk nggesa-nen yenggerak pul-o?’ luk perali-o. 22 Iri ala-ge, ap misik-nen ’Nagawan Indo unu bem wene yusu-o’ luk yuwa-t nde, at-nen ’Iri nggal kwat ma-o’ luk yuwa iri na nde kwat yigit lak ala-ge, at-nen urul puwa iri na-ge Nagawan Indo-nen yidnag-e mondok lag-o. At-nen yuwa ereba-ge at ondomok unu bem yuwa-o. Iri ala, kir-e at aye yurak pug-o” luk yak indij-o. 19:1-14 Ayat ereba arem-e Musa-nen-e o Kanaan iri me ap inmiri worak wolmom o siri erep lunurak wene yij-o. Nde, o siri ereba me-ge ap-nen indi peragit lak ma ap undurug-e, ereba me nggosoma-ge, ap-nen wuruwa nap iri na emep onggo at wururag-e meya-o. |
@LAI 1992, 1994
Indonesian Bible Society