NDAWI ENGGA 47 - Nanduk Ngget Tul Pidnak Wene

Mbal Pem Nagawan-e o tena woraso mondok kek tak-nen yusu-o Ndawi imid lit kaso nap amanggim enlem Kora nap-nen ngaridnak ndawi.

¹ Yi nap ndi nap oboksa wa-e. Kenalen-nen kininggi mok lel ker-o! Mbal Pem Nagawan erembel wanogolat kenalen-nen kenne nggoksa lek ker-o!

² Nagawan Indo mondok kek tak iri-ge mondok kwiye yurak mende-nen yusu-o. At iri-ge nagawan mondok kek tak yi wi ndi wi tena woraso-nen yusu-o.

³ At-nen-e ap enlem enne oboksa urugwe nggwe rak unpurak amawi wok nunduruk, ap enlem oboksa tena unpuruk wolmomtak amawi wok nindij-o.

⁴ At indi kundik Yakup-nen wigarak nit-nen ebem woragolat nenalen-nen ninndi kek yogolat ombo wolmomtak nggweyak irit lena wok nindij-o.

⁵ Enalen-nen inni enne yogolat, posid poba ene yogola, Mbal Pem Nagawan-e nagawan yosolat men yil lagaij-o.

⁶ Mbal Pem Nagawan erembel wanogolat ndawi yer-o! Nit-nen idnak nagawan erembel wanogolat ndawi yer-o!

⁷ Mbal Pem Nagawan iri-ge yi wi ndi wi oboksa enanggul pem nagawan-nen yusu-o. Ndawi bem at erembel waner-o!

⁸ Mbal Pem Nagawan-e at kore yoso ondoro marak iri na bem koreyak worasu-o. At-nen-e ap enlem oboksa tena unpuruk worasu-o.

⁹ Ap enlem lombok nagawan oboksa-nen-e Abarakam-nen erembel wanoso Mbal Pem Nagawan ilirak inmin lambuk yili-o. Mbal Pem Nagawan iri-ge nggweyakma yu me nagawan ereba na enanggul pem nagawan me, mondok kek tak-nen yusu-o.