NDAWI ENGGA 43 - Nanduk Ngget Tul Pidnak Wene

Mbo ibidnak sa woralat tepan yidnak wene (Ndawi 42 iri na erep kundidnak wene)

¹ Mbal Pem Nagawan wa-e. Kar-e an nambigit yosolat, mot mot kwaroso rak nibi-o. Mbal Pem Nagawan enaru buk nap-nen an nebem wene mbatli me, kar-e an nambigit yosolat, nowene mbari-o. Meya kwarugwi nap min enmberam lagwi nap min ininggiyapma-nen wisirik nibi-o.

² Kar-e an Nembal Pem Nagawan nggetlel nuburuk woraso-nen yusu-o. Noluk-nen kar-e keya nubusu-o? Noluk-nen nuwim nap-nen anggun panggun tak nobogola, mondok andi bandi kerenak worasu-o?

³ Kat-nen tugup lak woraso-ge yaya rak nobosolat, ndemel nuburuk kat kondobo Sion marak iri na bem tuguruk nibil mborosolat, kat kama kat woraso sa iri na me nibil mborosolat makluk an neram pil lobok yi-o.

⁴ Wok yimindig-e an-e an nalen tak poso elem Nembal Pem Nagawan kat kamanggim kan pugwi sa mbirimin-o. Mbirimindig-e, Mbal Pem Nagawan, Nembal Pem Nagawan wa-e. Kat kerembel wanosolat an-e ndawi yosolar-e, kecapi pobo ene rak pimin-o.

⁵ Noluk-nen an-e nindi abi kalok yosolat yane wat tenak worasu-o? An-e Mbal Pem Nagawan ebem nindi mbung mbung tak woralat, an-e Nembal Pem Nagawan, nimiri yoso nap iri na wiwa-o yak tosolat woramin-o.