NDAWI ENGGA 15 - Nanduk Ngget Tul Pidnak Wene

Nagawan Indo eram-e ta nde lobok yuwa-o? Ndaut-nen ndawi yidnak wene.

¹ Nagawan Indo wa-e. Ta-nen nde kat kuwi wam aboro-nen wiridnak iri arem wolma-o? Ta-nen nde kat kondobo marak iri me wolma-o?

² Mondok konak nak kwaroso iminep mbarak nap, pempa lud tak nak kwaroso nap, at arem-nen ndemeret wene yoso nap irit wolma-o.

³ At iri na-ge at ama bem-nen ap onpok poso buk, at anggamtak inmin meya kwaroso buk, at eralu woragwi nap meya enpem poso buk nap,

⁴ at erengenma-ge meya kwaroso nap na isili min yik kasolar-et nde, Nagawan Indo unu aye kagwi nab-e kek tak onposo nap, At-nen owak mbarak pidnak wene iri-nen at meya rak uburag-et nde, iri na tena woraso nap,

⁵ At uang na lesa waneyekluk luru wok ondoso buk, meya kwarugwi buk nap na enare peyekluk onggo wanoso bug-o. Iri nggal kwaroso nap perak nde mondok tugup lak irit wolma-o.