NDAWI ENGGA 130 - Nanduk Ngget Tul Pidnak Wene

Anggun panggun arem woragolat-nen tepan yidnak ndawi Lagolat-nen yugwi ndawi.

¹ Nagawan Indo wa-e. Anggun panggun woragwi mbunmu woralat, kat keram wene mbo bil lasu-o.

² Nagawan Indo wa-e. An-nen wene mbo kubusu wene kwara kolosolat, an-nen kebem nggi yusu wene kwara yebet ki-o.

³ Nagawan Indo wa-e. Kat-nen nde nit-nen lugud tak kwarugwi nde kindi yeberak worasolar-e, ta nggal nde ebem wene mbarigit lak yugun-o?

⁴ Alat nde, kar-e kat kindi aye worak wolmakluk nit meya yidnak kamberam tak poso-nen yusu-o.

⁵ At-nen urul yak nirid iri na ebem-et nindi wat tak puruk woralat, Nagawan Indo-nen yongga nururag-et yik karok worasu-o.

⁶ Kubu o yik karok woraso nap-nen ndag-et o kil puwag-o luk, indi iri na bem nak mbung mbung tak worasu-ge ija-t nde, an-nen nindi kat kebem mbung tak worasu-ge mondok terak minik-net yusu-o.

⁷ Isarael nap wa-e. Nagawan Indo-nen-e pempa kenabuwa-t kasolat, kinmiri yurak lud tak puruk woraso me, Nagawan Indo ebem nak kinndi mbung mbung tak wolmer-o.

⁸ At ilirak Isarael nap-nen lugud tak kwarugwi inggem-nen at-nen-e wisirik unpuwa-o.