NDAWI ENGGA 126 - Nanduk Ngget Tul Pidnak Wene

Wisirik unpuwakluk tepan yidnak wene Lagolat-nen yugwi ndawi.

¹ Nagawan Indo-nen nir-e ap ininggiyapma-nen tuguruk Yerusalem ninpil lobok yosola-ge, nir-e nabi kaidnak nggal nde yige-o!

² Iri yosolar-e, nenalen-nen nda yogolat, ndawi yige-o! Ap enlem erep-nen yogolar-e: ”Nagawan Indo-nen-e kwiye worag-et it enmanggim kwaramu-o” luk yiga-o.

³ Nde, ndemeret Nagawan Indo-nen kwiye worak irit nenmanggim kwaramu-o! Iri bem-e nenalin nenalen yige-o!

⁴ Nagawan Indo wa-e. Yi eberek yidnag-et nde, talme mboso tarem-nen tuguruk ebe rak pusu iri na nggal, ap ininggiyapma-nen wesera tuguruk nenma ninpil mbiri-o.

⁵ Yip min uwi pil kali nab-e, ebe mbarogolar-e, enalen-nen kijik kijak worogolat-net mbaruwag-o.

⁶ Ap uwi pil kil mborosolat yip til til mburusu nab-e, o ma lobok yosolar-e, ebe mbaruwa ut nggetlep nggatlep ereba na waruk alen-nen ndawi bem-et lobok yuwa-o.