NDAWI ENGGA 114 - Nanduk Ngget Tul Pidnak Wene

O wot kaidnak tarem yebet kagolat yugwi ndawi

¹ Isarael nap Mesira iri me-nen lesa mborogola-ge, Yakup-nen wigarak ereba na ap unuwi iri na keya buruk mborogola-ge,

² Nagawan Indo-nen-e Yewura-ge at ondoro marak kwarak posolat, Isarael-e at-nen tenagidnak wi kwarak posolat yamu-o.

³ Yi Koma Nggelaga-nen-e at yik karug-e kwiye mberamu-o. Yi Yareren mboroso iri na-ge mbirigit lak, ndong yamu-o.

⁴ Ndobo ereba na-ge kambing-nen kwaroso nggal kud mbok kud mbok mberamu-o. Ndobo amun ereba na-ge lomba marik-nen kwaroso nggal yawetlang mberamu-o.

⁵ Yi koma wa-e. Kar-e no karuk-nen kwiye mbirigen-o? Yi Yareren wa-e. No karuk-nen kar-e mbirigit lak, ndong yigen-o?

⁶ Ndobo wa-e. Noluk-nen kir-e kud mbok kud mbok mbirigeb-o? Ndobo amun wa-e. Noluk-nen kir-e yawetlang mbirigeb-o?

⁷ O yu-ge wa-e. Nagawan Indo lobok yosola, aye-nen lele yi-o. Yakup Embal Pem Nagawan imbiriwak aye-nen lele yi-o.

⁸ At-nen-e kerep tumbu-ge yi ugup nde kwarak posolat, kerep ndobo-ge yi ulusu nde kwarak posolat yoso-nen yusu-o.