NDAWI ENGGA 100 - Nanduk Ngget Tul Pidnak Wene

Mbal Pem Nagawan erembel wanugwi ndawi ”Nagawan Indo wiwa-o” luk amanggim pogolat-nen yugwi ndawi.

¹ Yi wi ndi wi oboksa wa-e. Nagawan Indo amanggim kenalin kenalen yogolat kenne nggu lek ker-o!

² Kenalen pem-et at nak erembel waner-o. Kenalen pem ndawi yil yil at eram lobok yer-o!

³ Nagawan Indo iri-ge Mbal Pem Nagawan-net yusu-o luk kenaru mer-o. At-nen nir-e ndak wat nenpamu. Nde, nir-e at arengge-nen yili-o. Nir-e at ilirak, at-nen ndegel nonposo olomba oro-nen yili-o.

⁴ At uwi pak tumende nggwe nggogolar-e, at wiwa-o yak tugwi ndawi kundugu-t nggurag-o. At uwi mborom nggogolat na at kek tak pogolat ndawi kundugu-t nggurag-o. At nak wa yak togolat, at unu nak kek tak purag-o!

⁵ Nagawan Indo iri-ge konak-nen yusu-o. At-nen unpud kaso elem-e pem irit unpud kasolat, at-nen mot mot tugup lak woraso elem-e pem irit woraso-o.