MAZMUR 133 - Alkitab Singog In Mongondow Masa In Tanaa

Tabi pogogutat

¹ Dondong i Daud mayá in Baḷoi Tuhan. Totuu mopia bo mosanang, aka umat i Allah mobiag mototabian!

² Naonda bo ḷana mobondu inta koboḻi inta pinobutak kon uḷu i Harun, bo notait monag kon krak in ḷambungnea.

³ Andeka naonda bo oḷú kon Buḷud in Hermon, inta noiḻig monag kon tombuḷud mita in Sion. Kon tuata in popoangoian i Tuhan in barakat-Nea, kobiagan modapot in mononoi.