MAZMUR 125 - Alkitab Singog In Mongondow Masa In Tanaa

Moodom kon bonu in kawasa i Tuhan

¹ Dondong mayá in Baḷoi Tuhan. Intau inta mopirisaya kon i Tuhan, in naonda bo Tombuḷud in Sion inta moroton diábí kotundanan, bo motahang modapot in mononoi.

² Naonda bo buḷud mita mogoḻingoi kon Yerusalem, natuata in ki Tuhan moḷukad kon umat-Nea tanaa mako modapot in kopaḷutannea.

³ Intau moraat in diábí umuran mongawasa kon butá budel in intau mojujur, sinbá intau mopia diá moidudui mogaid kon inta moraat.

⁴ O Tuhan, popoaidon in mopia kon intau mopia, kon intau inta motuḻid in gina.

⁵ Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!