YESAYA 12 - Allah Wene Fano Wene Hupla Inane

Hai wati logogun awuni

¹ Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

² Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

³ I habub mene nen inendawinggenma sakot fisikherek hak, Allah nen hit hinagap telhinabigin andi nen hinagaiyegeti logogun.

⁴ Lingge ekhe weinam asigin meneba re hiren wene ikhi logolik, ”Tuhan oba hai wa'ni o, At apne wanini o, At omame werek mene inom, Aren hilingiri'lago mene andoma faget inom, ap inunggulenu mene werekwe andoma yagaisa laga logoino,” iluk ikhi logogun.

⁵ Aren elalin mene hokhorogo hilingiterek andi faget, Tuhan obaget awuni wati logoino. O kweangma yoma mondogagen, Aren hilingiri'lago mene andoma faget inesanggo holuak.

⁶ Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.