MAZMUR 93 - Allah Wene Fano Wene Hupla Inane

” Tuhan andi re Raja etok mondok welagarek mene o,” iluk isukwa wene

¹ At Tuhan andi re Raja. At ebe homame hokho were'ma foget fagarek mene andi re su labetarek hak laberek werek. Kweang he tik ninghogo warogo fesikhemo re, abolok ikherek lek.

² Allah neisena. Hat hebe pogot kweang yi mene ti mene le'ma eroba nen Henupogot welagagindik yogondagen, hobuk huli nen ogo hetok mondogat logogin o, neisena.

³ Tuhan neisena, i laut yenggelek mene andi ane houwalanghogo liabi wagik, esinggen founalogo liafi logolik ane hokhorogo ugu mondok welagik, ikherego, neisena.

⁴ Meneat he, At Tuhan omame re, i laut yenggele'ma esinggen founalhi logolik ane ikherek andi inom, nen ha'labu wasi waga logolik eindep ane mileterek andi inom hak he fuk, lego. we, o pogoroba andoma At Tuhan omame mondok hokho meneba sagarek welagarego.

⁵ Tuhan neisena. Haren yi'nogo hilingiti logoino, ti'nogo hilingiti logoino, iluk komotninafen wene andi etok mondok logolik, eberogo nek aga logogin o, nen Hat hawi horek mene andi yi tahun ti tahun wurik mondok logogin, neisena.