MAZMUR 70 - Allah Wene Fano Wene Hupla Inane

Telninabuageluk samban agarek wene

¹ Afuni nen wuni wulak fuluk inebe seberogo ugunem yanggulinafu mene faget. At Daud en endawi wenggelogo wam warogo fei waga logolik isikhe mene.

² Neisena Allah, Haren an nagap telogo nobagain o, Tuhan, an weak weakhogo lebetnabime o!

³ It ap an noasuogeluk ili'lagwi mene andoma re, inomame lek a'luk inendawinggen nonghong heise helaloago. It afuni an nebe nonghonghogo hilingi'mo ineilenggen nealuk alperelogo pela'nabi'lagwi mene andoma re, warogo lakfisamo inenggali asuago.

⁴ It afuni an endo ya'nabi'lagwi mene andoma re, inebe youk laluk, inenggali aga logouwak.

⁵ It afuni Hat foget hafarek mene andoma re, inagaiyegen wonoget fakhikhi logouwak. Nen, it afuni inebe mondogat Haren telninabilebe, iluk inendawimo inamolo werek mene andoma nen hundik-handik ikhi logolik he, ”Ibi eberogo nen At Tuhan andi re lego mondok logouwak!” ikhi logogun.

⁶ Neisena Allah, an he mondogat nenggi lek logolik nomame lekhogo welagimo re, Hat hebe weak-weak eme o, Tuhan neisena, Hat he an lebetnafik, nagap telogo nobagagik, hilingisu mene welagenma re, aninurogo hilingisu fugo neisena, iluk samban isikhe.