MAZMUR 150 - Allah Wene Fano Wene Hupla Inane

Nineisena Tuhan fogeratukwa wene

¹ Tuhan fogerasuok! At awi wuri'mo were'ma fogerati logouwok! Aren pogot walingisogo fesikhemo omamerogo welagarek andi nen fogerati logouwok!

² At Allah nen elalin mene omamerogo hilingiterek andi nen fogerati logouwok. At Tuhan omame hokho meneba hilingiterek andi nen At ebe fogerati logouwok.

³ Pinggong hokho mene anet hikhi logolik, At Allah fogerati logouwok. Gitar hokho meneba inom, mage meneba inom anethaluk, Arenek fogerati logouwok.

⁴ E anggwe folelogo tunget hugunem hinabunugetik, pinggong oba hu'lenggen wuni watik, ikhi logolik At ebe fogerati logouwok.

⁵ Piring anggwe meneba watik, ane lego mene watik, sebelek mene watik, ikhi logolik, Allah fogerati logouwok.

⁶ Yi mene ti mene ineluk werek engge andoma mondogaren he, At Allah nek fogerati logouwak! Tuhan fogerasuok!