MAZMUR 131 - Allah Wene Fano Wene Hupla Inane

An namu nen hilingisu lek hak iluk Tuhan a'ma sebe agarek wene

¹ Samban uogeluk lagakhi logolik Daud en wuni ikhi lagaikhe mene. Tuhan neisena, an nobabut he lagoksek welagi lek, winik-wonok ikhi lagi legat. Nen wene hokho mene andoma faget murok lagalagi lek. Athe an nen hilingisu elo'lek mene faget murok lagalagi legat andi.

² An nendawinggen mondok hambuksek logolik alokhogo welagi. Omalik fou mene eilak naluk afe pulakhogo agaisa agoba wenggik welagarek andi hak hilingik welagi.

³ Yago hit Tuhan againafuri mene re, yogondak huli nen hobuk mondok-mondok logogun huli andoma re At oba nek hinendawinggen eberek mondok logoino o.