BILANGAN 26 - Allah Wene Fano Wene Hupla Inane

Afuni inenu inenggi pirenek mene lisu palogo wenaginafukwa wene

¹ Enggin agaikhe mene a'nogo mondogat agaikhemo re, Tuhan nen Musa inom Eleazar hun imam Harun amlogo a'nogo inom inoba ikhi logolik he,

² ”Hiren he afuni Israel mene inebe ineisok erokwe werek mene higithogo inebe lombok wenagaisogo inenu lisu palini! Ap mene inebe mondogat umur dua puluh tahun ambolkwe hilingik mene halok, it inebe tentara hilinglasu higit mene andoma mondogat inenu lisu palogo wenaginabino.” isikhe.

^3-4 A'nogo yagaisasikhemo re Musa inom Eleazar inomen wene yagaisasikhe mene andi higithogo hilingiti logolik, iren ap mene mondogat inebe umur dua puluh tahun ambolkwe mene nek wolinafukwasik o Moab tonggoma i Yordan aik fena fikhit kota Yerikho horokhogo andoma kabogetukwa. Afuni Israel inap o Mesir en wulibi wagaukwa mene inebe re yi:

⁵ Inunggulenu Ruben mene hun Yakub amlogo manggusa mene andi nen he, unggulenu akhogo Henok mene inom, Palu mene inom,

⁶ Hezron mene inom, Karmi mene inom andem.

⁷ It inunggulenu aksek mene andem oba nen inebe ap mene nek wenagaisogo re 43.730 nen

⁸ Hun Palu andi amlogo re Eliab,

⁹ nen hun Eliab andi amlogomi re Nemuel inom, Datan inom, Abiram inom. Datan inom Abiram inom andem he it afuni Israel mene nen wenaginafukwaba nen he, it inebe hun Korah inom misik sebe isukwasik Musa, Harun emberek inane oak sagalogo Tuhan ane sagalhukwa.

¹⁰ A'nogo hilingitukwama re, kweang kagalogo pelaginafukwama it inebe Korah inom at ombo'ne lagaukwa mene inom endu nen afuni inebe 250 nen a'nogo legeriinafi logolik mondogat inoatikhe. A'nogo hilinglagaikhe mene andi re afuni Israel mene nen inendawi ebeti logouwageluk hilinglagaikhe.

¹¹ A'nogo oba nen he hun Korah againafuri mene re it inom inoatikhe lek.

¹² Unggulenu Simeon mene nen he: Nemuel eisok erokwe mene re, Yamin inom, Yakhin inom,

¹³ Zerah inom, Saul inom.

¹⁴ It andi mene inunggulenu aksek mene andi nen he inebe ap mene nek wenagaisogo re 22.200 nen.

¹⁵ Unggulenu Gad mene nen he; Zefon eisok erokwe mene re, Hagi inom, Syuni inom,

¹⁶ Ozni inom, Eri inom,

¹⁷ Arod inom, Areli inom.

¹⁸ It andi inagainafuri ap mene nek wenagaisogo re, inebe 40.500 nen andi.

^19-21 Unggulenu Yehuda mene nen he: Syela eisok erokwe mene inom, Peres eisok erokwe mene inom, Syela inom, Zerah inom, Hezron inom, Hamul inom. Yehuda againafuri inebe pire andem he Er inom, Onan inom o Kanaan kweang oba nen wa'lagaukwa.

²² It inunggulenu andomaba nen ap mene nek seberogo wenagaisogo re 76.500 nen.

²³ Unggulenu Isakhar mene nen inunggulenu akhogo Tola mene nen he, Pua inom,

²⁴ Yasub inom, Simron inom.

²⁵ It inunggulenu andomaba nen ap mene nek seberogo wenagaisogo re 64.300 nen.

²⁶ Unggulenu Zebulon mene nen he Sered eisok erokwe mene re Elon inom, Yahleel inom.

²⁷ It inunggulenu andomaba nen ap mene nek seberogo wenagaisogo re, 60.500 nen.

²⁸ Yusuf ambisangma mene at againafuri ap mene inebe pire welagaikhe mene re: inunggulenu Manasye inom Efraim inom.

²⁹ Unggulenu Manasye mene nen he: Makhir hun Manasye amlogo andire hun Gilead eisena, nen it inunggulenu hobuk yire at Gilead ambisangma mene:

³⁰ Iezer eisok erokwe mene inom, Helek inom,

³¹ Asriel inom, Sekhem inom,

³² Semida inom, Hefer inom.

³³ Zelafehad hun Hefer amlogo andi re amlogomi abengge le'ma we helime nek taginafikhe. It inenu re: Mahla inom, Noa inom, Hogla inom, Milka inom, Tirza inom.

³⁴ It inunggulenu andiba nen ap mene nek wenagaisogo re inebe 52.700 nen.

³⁵ Unggulenu Efraim mene re: Sutelah eisok erokwe mene inom, Bekher inom, Tahan inom.

³⁶ Eran eisok erokwe mene andi re at Sutelah ambisangma mene.

³⁷ Afuni andi mene nen ap mene nek wenagaisogo re inebe 32.500 nen. Andire at Yusuf ombawi mene omanogo.

³⁸ Unggulenu Benyamin mene re: Bela eisok erokwe mene Asybel inom, Ahiram inom,

³⁹ Sefufam inom, Hufam inom.

⁴⁰ Inunggulenu Ared mene inom, Naaman mene inom andem he hun Bela ambisangma mene omanogo.

⁴¹ It ap andi mene nen inamlogomi ap mene wenagaisogo re, 45.600 nen.

⁴² Unggulenu Dan mene nen: Suham eisok erokwe mene andoma.

⁴³ It inunggulenu andi mene nen ap mene nek wenagaisogo re 64.400 nen.

⁴⁴ Unggulenu Asyer mene nen he: Unggulenu Yimna mene inom, Yiswi inom, Beria inom.

⁴⁵ It inunggulenu Heber mene inom Malkiel mene inom andire hun Beria ambisangma mene.

⁴⁶ Asyer en he, a'logo misik ekhe welagaikhe mene enu re Serah.

⁴⁷ It inunggulenu andem oba nen ap mene nek inebe wenagaisogo re, 53.400 nen.

⁴⁸ Unggulenu Naftali mene nen he: inunggulenu akhogo Yahzeel mene inom, Guni inom,

⁴⁹ Yezer inom, Syilem inom.

⁵⁰ It inunggulenu andem oba nen ap mene nek wenagaisogo inebe re 45.400 nen.

⁵¹ Ap Israel mene mondogat ap mene nek wenagaisogo re inebe 601.730 nen welagaukwa.

⁵² Tuhan ane Musa oba yagati logolik,

⁵³ ”Kweang andi re afuni Israel mene inoba inunggulenu lombok andoma endep kwe inom, hokho kwe inom hilingik aple higithogo nek sumburisano.

^54-56 Andi hilingiti logolik he enegengge helep enggen huk haluk hilingitarek a'nogo hakhogo oba hilingi'no. It inunggulenu hokhokwe halok he kweang hokhonggeat wogisano, nen inunggulenu endepkwe mene halok he kweang endebengge wogisano.” iluk yagatikhe.

⁵⁷ Unggulenu Lewi mene andi re Gerson mene inom, Kehat mene inom, Merari mene inom welagaikhe.

⁵⁸ It ineisok erokwe mene inoba re it inunggulenu Libni mene ogo, Hebron mene ogo, Mahli mene ogo, Musi mene ogo, Korah mene ogo welagaukwa. Kehat andire hun Amram eisena.

⁵⁹ Amram nen he, he Yokhebed hun Lewi a'logo a'nogo helasikhe. Yokhebed andi re o Mesir en ta'lagaikhe mene. Amram inom Yokhebed inomen he inamlogomi abengge inebe pire taginafikhe mene re Harun inom Musa inom nen a'logo hele mene Miryam takhasikhe.

⁶⁰ Harun he amlogomi inebe 4 en taginafikhe, inenu re: Nadab inom, Abihu inom, Eleazar inom, Itamar inom.

⁶¹ Nadab inom. Abihu inom he iren fugungge endu nolhuba omanogo Tuhan endawimo anggasikhe lek oba noletukwama wa'lagaukwa.

⁶² Unggulenu Lewi meneba nen inagainafuri ap enek inebe umur satu bulan ambolkwe mene nek wenagaisogo re, 23.000 nen. It inunggulenu andi mene re it Israel mene were'ma andoma nen inanggweang it helugu mene iluk ekhe welagaikhe le'ma re, it inunggulenu amu mene omanogoba nen amu hulirogo inenu palhukwa.

⁶³ Andi re at Musa inom hun imam Eleazar a'nogo inomen it Israel meneba inunggulenu akhogo hilingik omanogo higithogo o Moab tonggoma i Yordan fena fikhiren o Yerikho horokhogo andoma nen inenu wenagaisogo lisu palhukwa mene re andi.

⁶⁴ Attak at Musa inom Harun inomen Tom Sinai leimo nen wenagaisogo inenu lisu palinafukwa mene omanogo re ap we tem misik ogo ekhe ineluk welagaukwa mondok lek.

⁶⁵ Tuhan nen ikhi logolik it mondogat o leikwe nen wa'lasugun isikhemo re eberogo it inebe mondogat wa'lagaukwa, we hun Kaleb at Yefune amlogo a'nogo inom, nen Yosua hun Nun amlogo a'nogo inom enek he wa'lagaukwa lek.