AYUB 25 - Allah Wene Fano Wene Hupla Inane

Bildad

^1-2 A'nogo isikhemo at Bildad en onggo ikhi logolik he, ”Allah andi re At Mondok Omame Hokho mene were'ma re; At elokhoma nit afuni mondogat ninoak elekwe leigeti logogun. At ebe o pogoroba andoma raja lego mene logolik melalinaferek oba omanogo, lioksek mondok logouwageluk halhu werek.

³ Malaikat esa at obaget hilingitarek mene andoma wenasu hak anggegen? Nen At aselek ombak bageri'lago lek oba ekhe werek anggegen?

⁴ At Allah eilhanem he afuni ekhe inaweak lek mene mondok fanorogo nek logou hak anggegen a?

⁵ At Allah eilhanem tugi re eil seleksek lek. Nen hesagalenggen he eil mumsek.

⁶ Nen, nit afuni imbalo inom, hurinangge inom hangge mene oma re ebenagaik hilingik welago andi,” iluk onggo yagatikhe.