1 TAWARIKH 7 - Allah Wene Fano Wene Hupla Inane

Isakhar ambisangma mene a'nogo

¹ Hun Isakhar andi re amlogomi inebe enggaminogo welagau kwa. Inenu re: Tola inom, Pua inom, Yasub inom, Simron inom andem.

² At Tola re amlogomi inebe falfaligen welagaukwa, inenu re: Uzi, Refaya, Yeriel, Yahmai, Yibsam, Samuel inom andem. It ap andem he it Tola inap andiba nen inogogwi kepala higit logolik ap mondok sikhe inenggi puk inap welagaukwa. At hun raja Daud a'nogo welagaikheba andem it inebe seberogo re 22.600 nen welagaukwa.

³ Hun Uzi re amlogo re we misik tago mene welagaikhe. Enu re Yizrahya. Nen at Yizrahya amlogomi re inebe enggaminogo taginafikhe mene inenu re: Mikhael, Obaja, Joel, Yisia inom. It andem he inogogwi kaindegat welagaukwa.

⁴ It inagagwi inom, inagainafuri inom he, hokho-bokhorogo were'ma re it inambisangma mene re inebe 36.000 nen ap sikhe fisogo mene hilingitarek hakhogo hilingiti logouwageluk tegelogo fisikhi lagaukwa.

⁵ It inunggulenu Isakhar meneba nen ap sikhe fisogo mene nen elok hilingisu mene nek inenu furogo lisu palek welagaikhe mene re ap inebe 87.000 nen hilingik welagaukwa.

Benyamin ambisangma mene inom Dan ambisangma mene inom a'nogo

⁶ Hun Benyamin amlogomi inebe henagan taginafikhe, inenu re: Bela inom, Bekher inom, Yediael inom andem.

⁷ At hun Bela nen he amlogomi inebe fuaben welagaukwa. It andem inenu re: Ezbon, Uzi, Uziel, Yerimot, Iri inom andem. It ap andem he it mene andiba nen inogogwi kaindek higit logolik inasikhe inenggi puk inap welagaukwa. It inambisangma andi nen ap sikhe fisogo mene nen hilingitarek mene omanogo elok hilingisu hagenek hilingik welagaukwa mene inenu lisu palogo re ap inebe 22.034 en hilingik welagaukwa.

⁸ Hun Bekher amlogomi re ap inebe sogo nen welgaukwa. Inenu re: Zemira, Yoas, Eliezer, Elyoenai, Omri, Yeremot, Abia, Anatot, Alemet, inom andem.

⁹ It inebe re it mene andiba nen inogogwi kaindek higit welagaukwa. It inambisangma mene andi nen ap sikhe fisogo mene nen hilingitarek mene omanogo hilingisu hagenek logolik, inenu lisu palek welaikhe mene re ap inebe 20.200 nen hilingik welgaukwa.

¹⁰ Yediael he amlogo we misik welagaikhe enu re, Bilhan. Nen, Bilhan amlogomi re ap inebe sabiren welagaukwa. Inenu re: Yeus, Benyamin, Ehut, Kenaana, Zetan, Tarsis, Ahisahar inom andem.

¹¹ It ap andi re inunggul it meneba nen he ap sikhe inenggi puk inap iluk afuni inelu welagaukwa. It inambisangma mene andi nen ap sikhe fisogo mene nen hilingitarek aple omanogo hilingisu higit mene nek he inenu lisu palogo inebe re 17.200 nen welagaukwa.

¹² Hun Ir ambisangma mene re hun Supim inom, Hupim inom. Hun Dan amlogo enu re Husim.

Naftali ambisangma mene a'nogo

¹³ At Naftali re amlogomi inebe enggaminogo taginarek welagaikhe. Inenu re: Yahziel, Guni, Yezer, Salum inom. It andem he, he Bilha a'nogo ombalolak welagaukwa.

Manasye ambisangma mene a'nogo

¹⁴ At Manasye re he o Aram mene ekhe amingmingenggeba nen agweap erasikhe mene inomen he inamlogomi inebe pire taginarek welagaukwa. Nen, inenu re: Asriel inom, Makhir inom.

¹⁵ At Makhir andi nen he Hupim inom, Supim inom faget inagagwi heragaisogo wogisasikhe. At Makhir agwe enure Maakha. At Makhir amlogo pirenek mene enu re Zelafead. At Zelafead he amlogo abengge ekhe tago welagaikhe lek, we helime nek taginarek welagaikhe.

¹⁶ Hun Makhir agwe Maakha a'nogo nen amlogomi ap inebe pire taginafikhe mene inenu re: Peres inom, Seres inom salinafukwa. Peres amlogomi ap inebe pire taginafikhe mene inenu re: Ulam inom he, Rekem inom andem.

¹⁷ At Ulam he amlogo ap misik tago welagaikhe, enu re: Bedan. Hun Gilead en tagomangge mene Makhir amlogo Manasye omba a'nogo ambisangma nen taginafikhe mene re andoma.

¹⁸ Hun Gilead erei hele Molekhet a'nogo nen he omalik ap inebe henagan taginarek welagikhe, inenu re: Isyhod, Abiezer, Mahla inom andem.

¹⁹ At Semida nen he amlogomi ap inebe enggaminogo mene taginarek welagaikhe, inenu re: Ahyan, Sekhem, Likhi, Aniam inom andem.

Efraim en tagomangge mene a'nogo

^20-21 At Efraim he amlogomi inebe henagan welagaukwa. Inenu re, Sutelah, Ezer, Elad, inom andem. At Efraim amlogo Sutelah andi nen ta'larik lagaukwa mene re: Bered, Tahat, Elada, Tahat, Zabad, Sutelah inom. Ezer inom Elad inom he, it afuni Gad mene inawi eisewerek andoma inanggo takhikhi lagaukwa mene hinatunemen inebe pinggi inoatukwa.

²² It ineisena re lingge hundik-hundik fong watu mondok were'ma it agaila'lak ambit we'luk koni waga lagaukwa.

²³ A'nogo hilingiti lagaukwasigen at Efraim a'nogo agwe inom sebetukwama he a'nogo eak a'ma agaikhesik omalik abengge ekhe takhasikhe. Takhasikhemo re, wene it inoba agaikhe aple a'nogo faget he, omalik a'nogo enu Beria iluk salhikhe,

²⁴ At Efraim a'logo misik ekhe welagaikhe. Hele andi enu re Seera. Nen, hele andi nen, o kota Bet-Horon ambolkwe fikhit mene inom, o kota Bet-Horon a'ma fikhit mene inom, o kota Uza inom, Seera inom, wutikhe mene a'nogo.

²⁵ At Efraim amlogo misik ekhe enu re Refah welagaikhe, at Refah andi ambisangma nen ta'larik lagaukwa mene re yi: Resef, Telah, Tahan,

²⁶ Ladan, Amihud, Elisama,

²⁷ Nun, Yosua inom andem.

²⁸ O wilayah it ap andi logouwageluk wogisasukwa kwe mo lagai wagarek fikhit he o Betel en Naaran huli andoma nen he, mo ubuk ikherek fikhit he, o Gezer kota andoma maserogo o sili andoma mondogat. Wilayah andi elonggoma re, o kota Sikhem inom, Aya inom, o sili era'lukwe andoma inom mondogat wogisasukwa.

²⁹ Hun Manasye ambisangmangge mene nen he, o kota Bet-Sean inom, Taanakh inom, Megido inom, Dor inom, o sili era'lukwe andem inom seberogo fisogo welagaukwa. Hun Yakub amlogo Yusuf a'nogo ambisangma mene welagaukwa kwe re andoma.

Asyer ambisangma mene a'nogo

³⁰ A'makwe yi re at Asyer ambisangma mene a'nogo, aren he amlogomi inebe enggaminogo taginafikhe mene inenu re: Yimna, Yiswa, Yiswi, Beria inom andem, nen a'logo hele mene misik ekhe enu re Serah welagaikhe.

³¹ At Beria nen he, omalik ap inebe pire taginafikhe, inenu re: Heber inom, Malkiel inom. It andem he o kota Birzait wutukwa mene aremnogo.

³² At Heber he, amlogomi inebe henagan welagaukwa, inenu re: Yaflet, Somer, Hotam, inom andem. Nen inerei hele mene ekhe enu Sua welagaikheat.

³³ At Yaflet ogo amlogomi inebe henagan welagaukwa, inenu re: Pasakh, Bimhab, Asywat inom andem.

³⁴ Hun Yaflet agailak Somer andi re, amlogomi inebe enggaminogo mene taginarek welagaikhe, inenu re: Ahi, Rohga, Yehuba, Aram, inom andem.

³⁵ Yaflet agailak ekhe Hotam andi nen he, amlogomi inebe taginarek welagaikheat, inenu re: Zofah, Yimna, Seles, Amal, inom andem.

³⁶ Hun Sofah ambisangma mene re: Suah, Harnefer, Syual, Beri, Yimra,

³⁷ Bezer, Hod, Sama, Silsa, Yitran, Beera, inom andem.

³⁸ Hun Yeter ambisangma mene re: Yefune, Pispa, Ara.

³⁹ Hun Ula ambisangma mene re: Arah, Haniel, Rizya.

⁴⁰ Hun Asyer ambisangma mene nen tagomangge menere andoma. It inebe mondogat he, ap it ineisok erokwe mene faget inogogwi kaindek logolik it mene nen it inagoromi inom, inaiba inom faget hilingitik, melalinafu mene faget welagik, hilingiti lagaukwa. Hun Asyer ambisangmangge andiba menere ap sikhe fisogo mene nen hilingitarek mene omanogo elok hilingisu hak mene nek inenu lisu palogo re ap inebe 26.000 nen welagaukwa.