Jenesesi 5 - Mazu Otchena a Mulungu

Makolo a wanle romela Adawu fiyeda Nowe

¹ Ula gu muselu wa makolo romela Adawu. Mulugu ampandutchaga mutu, ampandutchile ofwalrafwana na liye.

² Mulugu aapandutchaga atu, ampandutchile mulombwana na muhiyana. Nomala eno, ohareliha, liye avaha nzina na atu.

³ Adawu aganna yaka 130, ohombala mwana mmohi wa mulombwana, ofwalrafwana na liye eto olingana na liye, nvaha nzina na Seti.

⁴ Agambanle Seti, Adawu ohomala yaka 800 dimohi diwa, hiya yaka 130 doroma dile. Muwari mwa yaka 800 dimohi diwa dile, ohabala ahima amohiwa, alombwana vamohi na ahiyana.

⁵ Adawu kalawo waye watene amanle yaka 930. Mwa enne ohokwa.

⁶ Mulombwana Seti agamanle yaka 105, ohombala Enosi.

⁷ Agambanle Enosi, Seti ule ohomala yaka 807 agaliwove, hiya yaka 105 doroma dile. Muwari mwa yaka 807 dimohi diwa dile, Seti ohabala ahima amohiwa, alombwana vamohi na ahiyana.

⁸ Mulombwana Seti kalawo waye watene amanle yaka 912. Mwa enne ohokwa.

⁹ Mulombwana Enosi agamanle yaka 90, ohombala Kayinani.

¹⁰ Agambanle Kayinani, Enosi ule ohomala yaka 815 dimohi diwa, hiya yaka 90 doroma dile. Muwari mwa yaka 815 dimohi diwa dile, ohabala ahima amohiwa, alombwana vamohi na ahiyana.

¹¹ Mulombwana Enosi kalawo waye watene amanle yaka 905. Mwa enne ohokwa.

¹² Mulombwana Kayinani aganna yaka 70, ohombala Mahalaleli.

¹³ Agambanle Mahalaleli, ohomala yaka 840 dimohi diwa, hiya yaka 70 doroma dile. Muwari mwa yaka 840 dimohi diwa dile, ohabala ahima amohiwa, alombwana vamohi na ahiyana.

¹⁴ Mulombwana Kayinani kalawo waye watene amanle yaka 910. Mwa enne ohokwa.

¹⁵ Mulombwana Mahalaleli agamanle yaka 65, ohombala Jaredi.

¹⁶ Agambanle Jaredi, Mahalaleli ule ohomala yaka 830 dimohi diwa, hiya yaka 65 doroma dile. Muwari mwa yaka 830 dimohi diwa dile, ohabala ahima amohiwa, alombwana vamohi na ahiyana.

¹⁷ Mulombwana Mahalaleli kalawo waye watene amanle yaka 895. Mwa enne ohokwa.

¹⁸ Mulombwana Jaredi agamanle yaka 162, ohombala Inoki.

¹⁹ Agambanle Inoki, Jaredi ule ohomala yaka 800 dimohi diwa, hiya yaka 162 doroma dile. Muwari mwa yaka 800 dimohi diwa dile, ohabala ahima amohiwa, alombwana vamohi na ahiyana.

²⁰ Mulombwana Jaredi kalawo waye watene amanle yaka 962. Mwa enne ohokwa.

²¹ Mulombwana Inoki agamanle yaka 65, ohombala Metusalemi.

²² Agambanle Metusalemi, Inoki ohowendave na Mulugu nnga nfwaye fiyeda yaka 300 dimohi diwa, hiya yaka 65 doroma dile. Muwari mwa yaka 300 dimohi diwa dile, ohabala ahima amohiwa, alombwana vamohi na ahiyana.

²³ Mulombwana Inoki kalawo waye watene ilambo ya vati amanle yaka 365.

²⁴ Inoki ali mutu awenda na Mulugu. Siku nimohi Mulugu ohomutukula Inoki wa meswene, liye mudowagana. Mwa enne Inoki kaoneyile akoka.

²⁵ Mulombwana Metusalemi agamanle yaka 187, ohombala Lameki.

²⁶ Agambanle Lameki, Metusalemi ule ohomala yaka 782 dimohi diwa, hiya yaka 187 doroma dile. Muwari mwa yaka 782 dimohi diwa dile, Metusalemi ohabala ahima amohiwa, alombwana vamohi na ahiyana.

²⁷ Mulombwana Metusalemi kalawo waye watene amanle yaka 969. Mwa enne ohokwa.

²⁸ Mulombwana Lameki agamanle yaka 182, ohombala mwana wa mwanapongwe,

²⁹ liye nvaha nzina na Nowe, liye kwi: <<Yehova ohotembelrelra teya. Nona mabasa analaba hiyo ba mabasa orutcha bure. Mbwenye mwanola gunafuna za nivunela zela goyi nnaona hiyo muwari mwa mabasa anahinda hiyo na mandihu.>>

³⁰ Agambanle Nowe, ohomala yaka 595 dimohi diwa, hiya yaka 182 doroma dile. Muwari mwa yaka 595 dimohi diwa dile, ohabala ahima amohiwa, alombwana vamohi na ahiyana.

³¹ Mulombwana Lameki kalawo waye watene amanle yaka 777. Mwa enne ohokwa.

³² Nowe agaulukunle, aganna yaka 500, ohabala anapongwe araru: Semi, Kami na Jafeti.