1 Koronika 3 - Mazu Otchena a Mulungu

Ahima a Davi

¹ Ala ba anapongwe a Davi anno kabaliwe Eboroni: Murandji baliwa aitaniwa Aminoni, wenno ambanle liye na Ainowa wa Jezereli. Wanembinli aitaniwa Daniyeli, wenno ambanle liye na Abigayeli wa ilambo ya Karimele.

² Waneraru ali Abisalawu, wenno mmayiwa ali Maka mwana Talimayi mwene wa Jesuri. Wanennayi aitaniwa Adoniya, wenno mmayiwa ali Ajite.

³ Wanetanu aitaniwa Sefatiya, wenno ambanle liye na Abitali. Wanetanu na mmohi aitaniwa Itiramu, wenno ambanle liye na muhiyanaye Egala.

⁴ Anapongwe atanu na mmohi ala Davi aabanle agali ilambo ya Eboroni, wewo watonga liye muwari mwa yaka tanu na mbinli na medi mitanu na minli. Davi eto ohotonga yaka 33 ilambo ya Jeruzalemu.

⁵ Anapongwe aabanle liye muJeruzalemu ba ala: Simeya, Sobabe, Nata na Salomawu, anno aabanle liye na muhiyanaye Bateseba mwana Amiyeli.

⁶ Davi ohabala eto anapongwe amohiwa atanu na annayi ala: Ibari, Elizama, Elifeleti,

⁷ Noga, Nefegi, Jafiya,

⁸ Elizama, Eliyada na Elifeleti.

⁹ Atene anna kali anapongwe aabanle Davi se hela konta ahima aabanle liye na ahiyanaye ang'ono. Davi eto ohomukana mwana wa muhiyana aitaniwa Tamari.

¹⁰ Mwana Salomawu aitaniwa Robowawu. Robowawu ohombala Abiya, Abiya ohombala Aza, Aza ohombala Jozafa,

¹¹ Jozafa ohombala Jeyorawu, Jeyorawu ohombala Akaziya, Akaziya ohombala Jowasi,

¹² Jowasi ohombala Amaziya, Amaziya ohombala Azariya, Azariya ohombala Jotawu,

¹³ Jotawu ohombala Akazi, Akazi ohombala Ezekiya, Ezekiya ohombala Manasesi,

¹⁴ Manasesi ohombala Amoni, Amoni ohombala Joziya.

¹⁵ Joziya aabanle anapongwe ala: Murandji baliwa aitaniwa Jowanani, wanembinli aitaniwa Jeyowaki, waneraru aitaniwa Zedekiya, wanennayi aitaniwa Salumu.

¹⁶ Jeyowaki aabanle anapongwe ala: Jekoniya na Zedekiya.

¹⁷ Anapongwe aabanle mulombwana Jekoniya wenno ahindiwe atukuleliwa Babiloniya kali atanu na ambinli. Maziniwa ba ala: Selatiyeli,

¹⁸ Malikirawu, Pedaya, Senazari, Jekamiya, Ozama na Nedabiya.

¹⁹ Pedaya aabanle anapongwe ala: Zorobabeli na Simeyi. Zorobabeli aabanle anapongwe ala: Mesulawu, Ananiya na mwana wa muhiyana eriwa Selomite.

²⁰ Mulombwana Zorobabeli eto ohabala anapongwe amohiwa atanu ala: Hazuba, Oweli, Berekiya, Azadiya na Jusabu-Ezedi.

²¹ Ananiya aabanle anapongwe ala: Pelatiya na Jezaya. Ahima amohi obaliwelamo ali akuda Refaya, aArinani, aObadiya na aSekaniya.

²² Atu a nlogo na Sekaniya kali atanu na mmohi ala: Semaya wenno ali mwana Sekaniya, vamohi na Semaya ahimaye ala: Hatuji, Igali, Bariya, Neyariya na Safati.

²³ Neyariya aabanle anapongwe araru ala: Eliyowenayi, Ezekiya na Azirikawu.

²⁴ Eliyowenayi aabanle anapongwe atanu na ambinli ala: Hodaviya, Eliyazibe, Peleya, Akube, Jowanani, Delaya na Anani.