Jọnụ Nke Ẹtọ 1 - Ika

¹ Mmẹ wụ onyẹ-isi de ẹkụkwọ-ozini. M rị e dejẹnni Gayọsụ, ezi nwẹnẹ ẹnyi ihiẹn ẹ a sụọ m imẹ Ezioku.

² Nwẹnẹ-onyẹ, ekpere m wụ nị ihiẹn ile a ghan'ị lẹni ẹhụ a rị ị ikẹn kẹ ị dọn nwan rị a gha ihun imẹ mmọn.

³ Ịghọghọ jun m obi ogẹn ụfọdụ umunẹ ẹnyi bịa ebeni gi rị e ku kẹ i dọn wụ onyẹ wẹ gi e dọn ẹnya ebe Ezioku rị, nọkẹ kẹ i dọn rị e bi kẹ Ezioku dọn chọ.

⁴ Onwọnni ihiẹn e mẹ m a ghọghọ nọkẹ ebe m nọ nụ nị ụmụ m rị e bi kẹ Ezioku dọn chọ.

Jọnụ A Ja Gayọsụ Mma

⁵ Nwẹnẹ-onyẹ, y'e mẹkẹ onyẹ wẹ gi e dọn ẹnya imẹ ihiẹnni ị rị e mẹni ụmụ Osolobuẹ ndịnị, ọsụọn'a nị y'a marịn ndị wẹ wụ.

⁶ A nọgụọ wẹ ihun ụka rị ebeni ku oku ihiẹn-ọsụsụọ i nwọn. Dodo, yeni wẹ nwan ẹka hụn a sụọ Osolobuẹ wẹ jẹnkọnị;

⁷ makẹni, imẹ ijẹnni wẹ rị makẹ Ẹfan Kraịstị, arị w'a na ndị kwerilẹnini Jesu ihiẹn.

⁸ O furu nwan nị ẹnyi kwadọn ndị nọ ẹrịra, gi ẹ sọn wẹ rụnnị Ezioku ọrụn.

Diọtrẹfẹsị Lẹ Dẹmẹtrịọsụ

⁹ E dejẹngụọnị m ụka ẹhụhụọ; kanị Diọtrẹfẹsị hụn a chọ n'ọ kị egọnni ẹnyi ntịn.

¹⁰ M bịa nwan, m k'e wepụha ihiẹn ile ọ rị e mẹ lẹ ọnụ ọ rị e buokinsọnmẹ ẹnyi! Ọhụn ehidẹn'ẹ, ọ jụ n'ọ nabanhankọ ụmụ Osolobuẹ ndị hụ; ọ nịdẹni ndị ọzọ nabanhan wẹ, ọ chụpụ ndị rị imẹ ụka chọ nị wẹ nabanhan wẹ.

¹¹ Nwẹnẹ-onyẹ, elerikwọlẹ eje-ihiẹn, ka leri ihiẹn rị mma. Onyẹ e mẹ ihiẹn rị mma wụ nke Osolobuẹ, kanị onyẹ e mẹ eje-ihiẹn eke marịndẹ Osolobuẹ.

¹² Kanị ịhịan ile e ku oku Dẹmẹtrịọsụ ọhụnma; Ezioku lẹ enwẹn ẹ e kuzi oku ẹ ọhụnma. Ẹnyi nwẹn rị a shịazịkwọn'a ẹri — bụ y'a marịnghọ nị ẹri ẹnyi wụ ezioku.

Ekele Ikpanzụụn

¹³ Ihiẹn m chọ nị m gwa ị e bukẹ, kanị, ẹlẹ hụn m'e gi pẹni de;

¹⁴ m rị a tụ ẹnya nị m jẹnkọ d'a hụn ị ẹgwa, kẹni ẹnyi ku elee-m, elee-i.

¹⁵ Udọn y'a rị n'ị. Ndị ọwụ ẹnyi ile e zi ekele i. Kpọ ndị ọwụ ẹnyi rị ebẹhụ ẹfan ohu-ohu, kele wẹ.