Ẹbụ-ọma 75 - Ika

Isi Nke Mmisẹn Kwasị Ọgụn-ẹtọ Chuku Wụ Ọka-ikpe

Ye onyẹ-ndu ẹbụ ẹbụnị. Wẹ bụ a. Wẹ bụ a kẹ w'a bụ “Etikpọlẹ.” Nke Asafụ rọ. Wẹ bụ a.

¹ Chuku, ẹnyi a kpanmịn ị; ẹnyi a kpanmịn ị; ị rị nsue! Wẹ hụ e ku oku ọrụn atụmẹnya ị!

² Chuku sị, “O ru ogẹn m kaye, m k'a han ezigbo eṅẹn.

³ Ụwa lẹ ndị ile bi imẹ ẹ mẹhunmẹmẹ, mmẹ e kwọndọnsọnmẹ ebe ile gin'ẹ.” Sẹla

⁴ A sị m ndị rị a nyan isi, “Ekukarịzịlẹ ni enwẹn ụnụ.” A sị m ndị-ejẹ, “Kpabehi ni ikẹn ahụn ụnụ rị a kpa;

⁵ apachezilẹni nọkẹ sị ụnụ e nwọnkẹ ikẹn; ebọnmẹzilẹ ni e ku oku.”

⁶ Makẹni ibushi-elu ara gha ẹbamịn ọwụwa ẹnyanwụn a bịa mọbụ ẹbamịn ọdịdan-ẹnyanwụn, ara gha imẹ atụ a bịa.

⁷ Chuku sụọ a han eṅẹn: o wetu onyẹ ohu alị, o bushi hụn-ẹbọ elu.

⁸ Makẹni Osolobuẹ gi mkpu manya ẹka; manya zeni rị a gbọ ụfọfọ jun ẹ; o huyegụọnị wẹ ya ra; ndị-njọ ile rị ụwa k'a ra a, rachanpụ.

⁹ Mmẹ nwẹn, ekubehikọ m oku i jẹnrin ejẹn; m k'a gha a kpọnị Chuku Jekọpụ egu!

¹⁰ Chuku sị, “M k'e bepụ ndị-njọ mpịn, mẹ mpịn ndị ezi-omumẹ zewaye.”