Ẹbụ-ọma 67 - Ika

Isi Nke Ẹsa Kwasị Ọgụn Ẹtọ Dodo Mẹni Ẹnyi Omikẹn, Kẹni Ụwa Marịn Ị

Ye onyẹ-ndu ẹbụ ẹbụnị. Wẹ kpọ ụbọ ye ẹ. Ẹbụ wẹ dọnye edọnye rọ.

¹ Chuku ya dodo mẹni ẹnyi omikẹn; ya gọzi ẹnyi; ya gi ẹnya ọma lee ẹnyi. Sẹla

² Kẹni ụwa ile marịn kẹ y'e mẹ, alị ile a marịn kẹ i dọn a zụọpụha.

³ Alị ichẹn-ichẹn wẹ ja ị mma, Chuku; alị ile rị ichẹn-ichẹn wẹ ja ị mma!

⁴ Alị ichẹn-ichẹn wẹ ghọghọma, wẹ yimẹ oro ịghọghọ, makẹni y'e kin alị ile ikpe kụrụ ọtọ, e du alị ile rị elu-ụwa. Sẹla

⁵ Alị ichẹn-ichẹn wẹ ja ị mma, Chuku; alị ile wẹ ja ị mma!

⁶ Ihiẹn wẹ kụnye alị e mẹgụọ, Chuku wụ Chuku ẹnyi a gọzikẹ ẹnyi!

⁷ Chuku ẹnyi a gọzikẹ ẹnyi, ụwa ile a gbaye ẹ!