Ẹbụ-ọma 63 - Ika

Isi Nke Ẹtọ Kwasị Ọgụn Ẹtọ Ẹgụn Osolobuẹ

Defidi bụ ẹbụnị kẹ ọ rị imẹ atụ alị Juda.

¹ Osolobuẹ, ịyụ wụ Chuku m; m rị a chọ ị. Ẹgụn ị rị a gụn m rịkẹ mirin, ẹgụn ị rị a gụn ẹhụ m rịkẹ onyẹ rị alị ọkpọ-nkụn hụnlẹni mirin ra!

² A hụnọlẹ m'i imẹ Ụlọ-nsọ ị, hụn ikẹn i lẹ ọghọ ị.

³ Makẹni ihiẹn-ọsụsụọ ị ka mma karị ndụn lẹ enwẹn ẹ, ọnụ m k'a ja ị mma.

⁴ M k'a gha a ja ị mma ọrọgbọ ndụn m ile; a kịshin'i ẹka elu, a kpọku ẹfan ị.

⁵ Ẹfọ k'e jun m kẹ ihiẹn-oriri dọn e jun ẹfọ; ẹbụ-ịghọghọ m gi a ja ị mma k'e jun m ọnụ,

⁶ M'a nyanhan ị ebe m dinẹ, e ro i eki e we fọn.

⁷ Makẹni ịyụ wụ onyẹ e yeni m ẹka; m'a nọ okpuru nku i a bụ ẹbụ ịghọghọ.

⁸ Azụụn ị kẹ m'e zueri; ẹka-nni i e kwọndọn m.

⁹ Ndị hụn rị a chọ isi m k'a la mmọn imẹ-alị imẹ-alị!

¹⁰ Wẹ k'e kpọn wẹ ye ndị k'e gi ọpịa-agha gbu wẹ; ufu k'e ri wẹ.

¹¹ Kanị eze k'e gi ihiẹn Chuku mẹ ghọghọ; ndị ile gi ẹfan Osolobuẹ dọn ẹnya k'a dụ ẹka obi, ọnụ ile a tụ ntụ e kpuru.