Ẹbụ-ọma 16 - Ika

Isi Nke Mmisin Makẹni Ị Hụ a, Obi Ru M Alị

Ẹbụ Miktam Defidi Bụ

¹ Euu Chuku, dodo che m nche — nị ịyụ kẹ m gbaburu!

² A gwagụọ m Osolobuẹ, “Ịyụ wụ Onyẹ-nwọnni-m; enwọn m ihiẹn ọzọ rị mma wezụka ị!”

³ O mẹ nke ndị nsọ ị hụn rị alịnị — uwẹ wụ okẹn-ịhịan ebe m rị, ihiẹn wẹ a sụọ m ọda!

⁴ Ndị rị e fe ihiẹn ọzọ gi ẹ hụ e seri nsọngbu bu ọda! Ehuyekọ m ẹdeke hụ wẹ e huyeni mmọn ndị ahụn, akpọkọdẹ m ẹfan mmọn ndị ahụn.

⁵ Osolobuẹ, ịyụ kẹ m nwọn; ịyụ wụ mkpu m; ịyụ e kwọndọnni m ihiẹn m.

⁶ Azụụn hụn ru m ẹka arịka mma; ihiẹn i keye m a rịka mma!

⁷ M k'a ja Osolobuẹ hụn a dụn m ọdụn mma; kẹ imẹ uhinhin, obi m a gwa m oku.

⁸ Ogẹn ile kẹ m gi a nyanhan nị Osolobuẹ nọyeni m anọyeni. Ebe o mẹni ọ hụ m ẹka-nni, onwọnni ogẹn m'e gi mẹhunmẹ!

⁹ Ya kẹ ẹfọ gi a sụọ m ụsụọ, obi m hụ a ghọghọ — ẹhụ m k'e zudẹ ikẹn:

¹⁰ makẹni y'a lakọ m tọ alị-mmọn, y'a nịkọ onyẹ nsọ ị hụn Mgbugbu hụ.

¹¹ Y'a ghọsị m ụzọ ndụn; e ye m ịghọghọ zu oke ebe ị rị; ihiẹn a sụọ ụsụọ ghalẹni a gụ rị ẹka-nni i.