Ẹbụ-ọma 137 - Ika

Isi Nke Mmẹsa Kwasị Ọgụn-isin Ẹkwan Ndị Wẹ Kpụnpụ Alị Wẹ

¹ Mkpẹnrẹn iyi rị Babilọnụ kẹ ẹnyi nọdị alị a kwan ẹkwan, ogẹn ẹnyi gi nyanhan obodo Zayọnụ.

² Ẹnyi nọ kọnmẹsọnmẹ ụbọ ẹnyi ye elu osisi-pọpla rịsọnmẹ ebẹhụ.

³ Makẹni ndị hụn nwụnrụnnị ẹnyi sị ẹnyi bụnị wẹ ẹbụ; ndị rị a bịangbuni ẹnyi sị ẹnyi kpa wẹ ẹmụ; sị ẹnyi, “Bụ nị nị ẹnyi ẹbụ Zayọnụ!”

⁴ Nanị ẹnyi a dọn nwan bụ ẹbụ Osolobuẹ imẹ alị ọzọ?

⁵ M zọkwọ ị, Jerusalẹm, ẹka-nni m y'a zọ enwẹn ẹ.

⁶ Ire ya nyanrịn m okpo omẹni a zọ m'ị, omẹni a nị m ihiẹn ọzọ ka m a sụọ karị Jerusalẹm.

⁷ Osolobuẹ dodo nyanhankwọ ihiẹn ndị Ẹdọm mẹ ụhụọhịn hụ ndị-agha Babilọnụ mẹri Jerusalẹm: kẹ wẹ dọn rị e yi, “Tikpọchanrịn n'a! Tikpọchanrịn n'a ru alị!!”

⁸ Ịyụ nwẹn wụ Babilọnụ, hụn wẹ k'e tikpọ! Ngọzi ya rịnị onyẹ jẹnkọ d'e mẹgwarị ị ihiẹn i mẹ ẹnyi.

⁹ Ngọzi ya rịnị onyẹ hụn k'a nwụnrụn ụmụ ị fịan elu ọmụma!