Ẹbụ-ọma 136 - Ika

Isi Nke Mmisin Kwasị Ọgụn-isin Ihiẹn Chuku Rụnsọnmẹ W'e Gi Ja A Mma

¹ Kpanmịn nị Osolobuẹ, makẹni ọ rịka mma, makẹni ihiẹn-ọsụsụọ a rị jẹnrin ejẹn.

² Kpanmịn nị Chuku hụn ka mmọn ile, makẹni ihiẹn-ọsụsụọ a rị jẹnrin ejẹn.

³ Kpanmịn nị Nna ndị wụ nna, makẹni ihiẹn-ọsụsụọ a rị jẹnrin ejẹn.

⁴ Kpanmịn nị Onyẹ ahụn ya sụọ a rụn okẹn ọrụn-atụmẹnya, makẹni ihiẹn-ọsụsụọ a rị jẹnrin ejẹn.

⁵ Kpanmịn nị Onyẹ ahụn gi ẹka a ke igwere; makẹni ihiẹn-ọsụsụọ a rị jẹnrin ejẹn.

⁶ Kpanmịn nị Onyẹ ahụn gbama ụwa ye elu mirin, makẹni ihiẹn-ọsụsụọ a rị jẹnrin ejẹn.

⁷ Kpanmịn nị Onyẹ hụn mẹmẹ ukpẹ ndị ahụn hi-ogbe; makẹni ihiẹn-ọsụsụọ a rị jẹnrin ejẹn:

⁸ o mẹmẹ ẹnyanwụn n'ọ kị efinaị; ihiẹn-ọsụsụọ a rị jẹnrin ejẹn;

⁹ o mẹmẹ ifọn lẹ kokisẹ ni wẹ kị imẹ uhinhin; ihiẹn-ọsụsụọ a rị jẹnrin ejẹn.

¹⁰ Kpanmịn nị Onyẹ ahụn gbu ikẹnnyẹ ibuzọ rị alị Ijiptu, makẹni ihiẹn-ọsụsụọ a rị jẹnrin ejẹn.

¹¹ Ọ gha imẹ Ijiptu wepụha Izrẹlụ; ihiẹn-ọsụsụọ a rị jẹnrin ejẹn.

¹² Ẹka zeni lẹ ẹka o gi a kpa ikẹn k'o gi mẹ ẹ; ihiẹn-ọsụsụọ a rị jẹnrin ejẹn.

¹³ Kpanmịn nị Onyẹ hụn kewa Ohimin Ufie ẹbụọ, makẹni ihiẹn-ọsụsụọ a rị jẹnrin ejẹn.

¹⁴ O we ndị Izrẹlụ ghafe adamada a; ihiẹn-ọsụsụọ a rị jẹnrin ejẹn.

¹⁵ Kanị o feyịya Fẹro eze Ijiptu lẹ ndị agha a ye imẹ ohimin ufie; ihiẹn-ọsụsụọ a rị jẹnrin ejẹn.

¹⁶ Kpanmịn nị Onyẹ hụn du ndị nke ẹ imẹ atụ, makẹni ihiẹn-ọsụsụọ a rị jẹnrin ejẹn.

¹⁷ O titu ndị-nze wẹ marịn amarịn; ihiẹn-ọsụsụọ a rị jẹnrin ejẹn.

¹⁸ O gbu ndị nze a kpa ikẹn ọda-ọda; ihiẹn-ọsụsụọ a rị jẹnrin ejẹn:

¹⁹ o gbu Sihọnụ eze Amọ; ihiẹn-ọsụsụọ a rị jẹnrin ejẹn;

²⁰ o gbu Ọgụ eze Bashanị; ihiẹn-ọsụsụọ a rị jẹnrin ejẹn,

²¹ we alị wẹ ye odibo ẹ weri; ihiẹn-ọsụsụọ a rị jẹnrin ejẹn.

²² O we ẹ ye odibo ẹ wụ Izrẹlụ weri; ihiẹn-ọsụsụọ a rị jẹnrin ejẹn.

²³ Kpanmịn nị onyẹ hụ nyanhan ẹnyi kẹ ẹnyi rị imẹ ụya, makẹni ihiẹn-ọsụsụọ a rị jẹnrin ejẹn;

²⁴ ọ gbapụha ẹnyi ẹka ndị-iṅẹnrẹn ẹnyi; ihiẹn-ọsụsụọ a rị jẹnrin ejẹn.

²⁵ Kpanmịn nị onyẹ hụn e ye ihiẹn ile rị ndụn ihiẹn-oriri; ihiẹn-ọsụsụọ a rị jẹnrin ejẹn.

²⁶ Kpanmịn nị Chuku hụn rị elu-igwee, makẹni ihiẹn-ọsụsụọ a rị jẹnrin ejẹn!!