Ẹbụ-ọma 129 - Ika

Isi Nke Itenẹi Kwasị Ọgụn-isin Ndị Rị E Sọngbu Ndị Nke Osolobuẹ K'a Dan

Ẹbụ Wẹ Gi E Jẹn Ụlọ-nsọ.

¹ E mẹọlẹ wẹ m ihiẹn bu ọda gha ẹhụ nwa-ndu m lala! Ndị Izrẹlụ wẹ ku ẹ.

² “E mẹọlẹ wẹ m ihiẹn bu ọda gha ẹhụ nwa-ndu m lala, kanị, wẹ eke saẹka mẹri m.

³ A dụkpọgụọ wẹ m azụụn kẹ w'a dụkpọ alị-ugbo, gu ahịrị sueni yesọnmẹ ẹ.

⁴ Kanị, Osolobuẹ wụ onyẹ ezi-omumẹ, o tibepụgụọ ẹgbụn ndị-ejẹ kẹn m!

⁵ Wẹ chụkin ndị ile ize Zayọnụ e ze azụụn, gbe ifẹnrẹn ye wẹ ihun.

⁶ Wẹ họnrin ẹfịfịa pu elu ụlọ, hụn e shinwụn ebe o kelẹni sue;

⁷ hụn wẹ ghalẹni a ghọrị mọbụ e kpọnrin,

⁸ hụn ndị ghafekọnị ghalẹni e kele, ‘Osolobuẹ ya gọzi ụnụ! Ẹnyi gi ẹfan Osolobuẹ a gọzi ụnụ!’ ”