Ẹbụ-ọma 113 - Ika

Isi Nke Mmẹtọ Kwasị Ọgụn-isẹn Ja Nị Osolobuẹ Mma

¹ Ja nị Osolobuẹ mma, ụnụ ndị-idibo Osolobuẹ; ja nị ẹfan Osolobuẹ mma!

² Wẹ jama ẹfan Osolobuẹ mma gha ogẹnni jẹnmẹ, ja a jẹnrin ejẹn;

³ Gha ebe anwụn n'a wa d'e ru ebe ọ n'a dan, wẹ jama ẹfan Osolobuẹ mma!

⁴ Osolobuẹ kachanrịn alị ile; ọghọ a ka nke elu-igwere.

⁵ Onyẹ nọ kẹ Osolobuẹ wụ Chuku ẹnyi? Onyẹ hụn nọdị alị ukpo-eze elu-igwee,

⁶ onyẹ hụn e hulụa e lee ẹnya elu-igwere lẹ elu-ụwa,

⁷ Ọ gha imẹ uzunzun e weli ogbẹnnyẹ; ọ gha ikpọn-ntụn e buli ndị elu rị a fụ,

⁸ e mẹ wẹ a rị imẹ ndị-isi, ndị-isi ndị nke ẹ.

⁹ O ye agan ezi-lẹ-ụlọ, gi ẹ họnrin nnẹ-ọmụmụ ẹfọ rị a sụọ ụsụọ. Ja nị Osolobuẹ mma.