Ẹbụ-ọma 11 - Ika

Isi Nke Mmanaị Osolobuẹ Hụ A, Agbapụkọ M

Ẹbụ Defidi Wẹ ye onyẹ-ndu ẹbụ ẹbụnị.

¹ Osolobuẹ kẹ m gbaburu, kị ụnụ rị a sịnị m, “Fepụkwọ kẹ nnụnụ, shi elu ugu i;

² nị ndị-njọ e kwọngụọkwọ ụta wẹ, bu ọbara che ụta — kẹni wẹ nọ imẹ ishi gba onyẹ ezi-omumẹ ụta.

³ Ihiẹn ile dankpọchanrịn ru alị, kị onyẹ ezi-omumẹ k'a sazị nwan ẹka mẹ?”

⁴ Mba! Osolobuẹ hụkwọ Ụlọ-NSỌ a — Osolobuẹ hụdẹ ukpo-eze ẹ rị elu-igwee, a kị. Ọ hụ e lee ịhịan, e lele wẹ;

⁵ Osolobuẹ hụ e kweni onyẹ ezi-omumẹ isi, kanị ize onyẹ-njọ hụ e ze ẹ ọda-ọda, ize onyẹ ẹka-ikẹn a sụọ hụzị e ze ẹ ọda-ọda.

⁶ O k'e hu ikeke-ọkụn lẹ nsịn ẹnyanwụn rị e rẹn ọkụn kpu ndị-njọ; ufere rị e bi ọkụn wụ nke wẹ.

⁷ Makẹni Osolobuẹ wụ onyẹ ezi-omumẹ; ezi-omumẹ a sụọ a ụsụọ; ndị ezi-omumẹ k'a hụn ihun ẹ.