Psalm 67 - Nan Hapit Apu Dios

Psalm 67 Hay Panginnilaan Hinan A'at Apu Dios

¹ Dawatonmi bahan Apu Dios di homo'mu ya ulem ya punwagahmu i da'mi.

² Ta wan innilaon di atagutaguh abobboble nan a'atmu ya nan ongal an abalinam an mangihwang hi tagu.

³ Ot maphodot on an namin di tagu ya dayawon da'a Apu Dios.

⁴ Ta an namin ami ya ikankantamiy pun'amlonganmi hinan nipto' an pangipanuhmu ya pangipapto'mu hi atagutaguh abobboble.

⁵ Ot hanat an namin di tataguh abobboble ya dayawon da'a.

⁶ Ta pumhod di itanommi ta dakol di apitonmi te wagahan da'mi i he"a Apu Dios.

⁷ Ta ta'on aya on hanadan tataguh abobboble ya he"ay dayawonda.