Hiburuapụ 4 - Ibani New Testament

Tamuno Túminị́ Ịnyọsára

¹ Mị́sa Tamuno minini wa pịrịmam ḅẹẹ ori anị gbolomanyẹ dugho ịnyọ́sárá ma, wa anị nyánáḅobẹm. Anị ibibẹm wa ḅụ ẹḅịị sị, Tamuno mini wa pịrịnyẹ ma anị gbẹ́rẹ́ḅọ sọ gbarịbịgha ḅara.

² Wamịnị ibi oku ma naamam, nnị sọ náaḅara. Nnị oku ma naam, kụ́ma anị pa nnị mịẹibi ofori, nnị anị náa sa nnị minini ḅụ ḅọ́rọ́ anị akịịghaa.

³ Anịsa wamịnị mininiapụ Tamuno minini ịnyọ́sárá ma nyánaḅom. Anịgo o dugho ḅara ḅụ, < >> Tamuno mịma dughom ori fịrị famam mḅẹ́sọ, o tuminikiri ma tẹ́mẹ́fáma sa.

4 Gbẹ́rẹ́ angaá Tọ́ndiri ma bie, n mịma dughom sọ́nọ́ma dii ma gbolomanyẹ: <>

⁵ Mịị ḅẹ́rẹ́ ma n pighi sima anị dughom, <>

⁶ Tarị ibi oku ma naapụ, ịnyọ́sárá ma nyánaḅogha, tegó nnị mininigha. Kụ́ma jẹ́apụ imi nnị warisoapụ ḅẹẹ nnị anị daákịị.

⁷ Tamuno pịghị jẹ́ éné wárịmam, ọ pa mịmgba éné sị nyẹ. Sáá ḅo ibima ḅọ́rọ́ sáá Tamuno Deviti bịpị pa dughom, n gịẹ ḅọ́rọ́ma maá ḅara Tọ́ndiri ma bie ḅẹ́: <>

⁸ Ḅọ́rọ́ ḅẹẹ Jọsụwa Tamuno minini ịnyọsára ma pa túminị́ ma pịrịm Tamuno mịnị jẹ́ ịnyọ́sárá éné dughobịgha.

⁹ Ịnyọ́sárá pa fịnị Tamuno túminị́ ma kúruarị; Tamuno ịnyọ́sárá ḅara sọ́nọ́ma dii éné ma ḅụ.

¹⁰ Tamuno minini n pịrị ịnyọ́sárá ma daakịapụ, ịnyọsárábẹm nna fịrị ḅụ Tamuno sọ ịnyọ́sárá ḅara ọrẹ fịrị ḅụ.

¹¹ Anịgo wamịnị wa ine ḅara mamgba mịẹsị árị ḅẹẹ wamịnị anị ịnyọ́sárá ma nyánam sị gbẹ́rẹ́ḅọ so bịghịbịgha ḅara isiapụ bịghị ḅara nnị minini nyanagha gosi.

¹² Tamuno ẹ́gẹ́rẹ́ ma anị dumam pighi i bịrịm anị oḅú mmẹẹ́ tọ́rụ́ nyáná áláápụ́-ágidi nẹngịm, anị nyẹ gonyẹ́ gonyẹ́ pẹ́lẹ́ mú tumḅọ tẹ́mẹ́ na biebẹ duma dona angaá lam, pịghị mú mgbe na mgbe mẹnị dona ngaa láa. Anị ḅẹ́rẹ́kọ tumḅọ tẹ́mẹ́ kórómaarị nyẹ na tumḅọ tẹ́mẹ́ tarịarịnyẹ mamgba pịrịpịrịm.

¹³ Nnị pa Tamuno ḅọghuma ḅẹnyẹ ofori nyẹ gonyẹ́ gonyẹ́ tuminikiri, anị findi gbẹ́ẹ́rẹ́m ọ tórúku. Ori ma anị ọ́rụ́ḅọ ọ́rụ́ḅọ pịghị amịna duma kịẹnyẹ go pịrịbẹḅọ.

Jizọs Dụḅa Igwagwaá Áláḅọ

¹⁴ Wamịnị dụḅa Igwagwaá Áláḅọ nyánam, sobie sọọmaaḅọ ori anịị Jizọs Tamuno Tụ́wọ ma. Anị wa go wa dugho págháma minini ma ọlọ sẹ́ma bẹnyẹ.

¹⁵ Wamịnị igwagwaá áláḅọ nyanagha wa ḅụ fịnị ḅara ḅụ kóróghaḅọ, kụ́ma wa gbẹ́rẹ́ḅọ nyánam daádighi bie ḅọ́rọ́máaḅọ ngaa mamgba ḅụ, wamịnị sọ fịnị ḅara, kụ́ma ọ bịghịị sii pịrịgha.

¹⁶ Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.