Fịrị Ḅara 10 - Ibani New Testament

Kọnịlọsị Fịrịma Pita Sịịm

¹ Gbẹ́rẹ́ owitụ́wọ imi Sizariya ḅụ, Kọnịlọsị pa sịḅọ sịbịdá Rom sọ́nọ́ a sị ọ́mụ́gbiapụ pịrịḅọ. Ịtalị ḅụ sághị ḅo ọ́mụ́gbi ogboapụ anịị nna ẹrẹ.

² Ọ Tamuno nimim pịghị o dighi ḅáláfaa, ọ wárị gbọrụ sọ susi Tamuno pịrịm ọ pịghị opuma ḅárásua nyána Juu igonyiapụ ma pịrịm, ọ pịghị sámámgba tẹ́ghẹ̄ Tamuno pịrịarị.

³ Tẹ́rẹ́ énékịẹnyẹ biri énéḅaa, ọ múnogha dáwọkọm sị gbẹ́rẹ́ Tamuno sookumuḅọ arịm, sọ ḅo sị, ori ẹ́rẹ́ pa ọ sịị ḅọ, <>

⁴ Ọ warị ḅáláfa ḅụ tọ́rụ sághị o dighi, warị o gbíla, <<Ọ tẹ́ nyẹ mọ, Kị́nị́nyánáḅọ?>> Sookumuḅọ ma warị ọ págháraa ḅẹ́, <<Ị́yẹ́ tẹ́ghẹ̄ na ị́yẹ́ ibifịrị Tamuno tórúku lámam, pa biekórómáarị agba ḅara.

⁵ Mị́sa túminị́ fịrịma Jọpa muu sị nnị mú Saimọn n pịghị Pita pa sị gbẹ́rẹ́ owitụ́wọ sịị ị pịrị.

⁶ Ori mị kiri igoniḅọ, nama apara pa fịrịnwangịarịḅọ ma wárị, Saimọn anị ori ẹrẹ, posie aka anịị ori ngaa nyẹ.>>

⁷ Ori na ẹ́gẹ́rẹ́ sookumuḅọ ma soo sa, Kọnịlọsị warị ori mmẹẹ́ a fịrịnaapụ sịị na gbẹ́rẹ́ ọ́mụ́gbiḅọ Tamuno dighi ḅáláfaḅọ, pịghị dada fịrịnwangị ọ pịrịarịapụ ḅụ gbẹ́rẹ́ḅọ.

⁸ O dugho n pịrịm pághányẹ warị nnị fịrịma Jọpa muu.

⁹ Éné ḅá sáá, nnị ḅo Jọpa na kikia sa, Pita, wárị osu ma tándịm éné ogbo biri sị, o tẹ́ghẹ̄ bẹ ḅara.

¹⁰ Fị́nyẹ ḅo ọ tarịm sị ori ọ fị bẹnyẹ dọ́ghụm, nnị fị́nyẹ ma mịẹarị sa, o múnogha dáwọkọm.

¹¹ Warị findi so, arịị, nnị gbẹ́rẹ́ dụḅa bịtẹ pa kórómaarị tuminikiri, so ḅọ́rọ́ anị ínia ọkọlọbị ḅụ árị diri pa anị kpọm.

¹² Anị bie tọ́rụ́kịrịkị́rị́ ínia ḅụọ nyáná nama, tuminikiri furo pa ikiriarị nyẹ, na pịghị fíní na.

¹³ Gbẹ́rẹ́ pụghọ warị ọ ḅẹẹ, <>

¹⁴ Kụ́ma Pita ḅẹm, <>

¹⁵ Pụghọ ma pịghị sima dugho ọ pịrịm, <>

¹⁶ Mịnanyẹ ma tẹ́rẹ́ sa pa kiriakịm, nnị warị anị gbẹ́rẹ́kiri bịtẹ ma nụ́nụ́ so muu.

¹⁷ Pita pa sịbịbie Kịẹ ori arị nyẹ pịrịarị sáá ḅẹẹ anị tẹ́ dughoarị, Kọnịlọsị fịrịmaapụ ma gbíla pághámaḅomam Saimọn wárị fịnị angaá, sị mị́sa sẹ́fịnịarị opu ḅụ́pọ́ ma tórúku.

¹⁸ Nnị warị kị́nị́ sị gbíla ḅẹẹ, <>

¹⁹ Pita pa asọ dọghụarị ori múnogha dáwọ ḅụ árịnyẹ ma akanyaḅo Tẹ́mẹ́ ma warị ọ ḅẹẹ, <

²⁰ Anịgo, ịḅụ tẹ́lẹ́ma sị nnị na muu, sáá ngúmá ma, irị nnị fịrịmam.>>

²¹ Pita warị mú owiapụ ma na dona, warị n ḅẹẹ, <>

²² Nnị warị págháraa ḅẹẹ, <>

²³ Pita warị túminị́ ma ḅẹẹ nnị sọḅo, sị anị ngaa múno énéḅama. Éné ḅá sáá anị́ị́ ọ tẹ́lẹ́ma nyẹ sị nnị na muu, Jọpa ḅụ fịnị jẹ́ mininiapụ sọ nnị na múm.

Pita Kọnịlọsị Warị

²⁴ Anị ḅụ éné ḅáa anị́ị́ o ḅo Sizariya láanyẹ sị muu Kọnịlọsị árị ori o kuruarị ngaa, ori na ọ sị kobiri mịna na págháa na.

²⁵ Pita wárị ma sọ sa, anịị Kọnịlọsị ọ nana dona sị sóghóro koro nyẹ ọ ḅụọ osigha ḅụ.

²⁶ Kụ́ma Pita ọ saghịmam, <> Pita ọ ḅẹm, <>

²⁷ Pita pa Kọnịlọsị na ẹ́gẹ́rẹ́arị sáá, ọ wárị ma sọ́mum sị mú tọgha túminị́ árị n kobiri ngaa.

²⁸ Ọ warị dugho n pịrị, <<Ọmịnị sọ kọkọ ibima nimi ḅẹ́ anị ólóghó ḅụ imi ḅẹ́ Juu na Juughapụ ḅo mịẹ gbolomanyẹ nyána ma. Kụ́ma Tamuno pa i diemam ḅẹ́ a gbẹ́rẹ́ḅọ sọ árị ma ḅẹẹ n ḅọ ịlọlịm anịgha n ḅọ pilem.

²⁹ Anịgo ị fịrịma ị sịị sa, a nyẹ gbilagha pa álála ḅom. A mị́sa i gbilaarị, ị tẹ́ go fịrị ma i sịị?>>

³⁰ Kọnịlọsị warị ḅẹẹ, <

³¹ sị ḅẹẹ,

³² Kị́nị́ fịrịma Jọpa muu sị nnị muu gbẹ́rẹ́ owitụ́wọ Saimọn n pịghị Pita pa sịḅọ sị ị pịrị, ḅẹẹ ori mị́sa igoniḅọ Saimọn nama apara pa fịrị nwangịarịḅọ wárị, posie aka anịị ori ngaa nyẹ.>

³³ Anịgo, anị gbẹ́rẹ́kiri a fịrịma ị sịịm, ị pịghị ibiḅara mịẹm i ḅoo ḅara ma. Mị́sa wamịnị kị́nị́mamgba mịnga imii Tamuno tórúku, kúruarị wa náa bẹ ḅara Tamuno ị fịrịma sị ị dugho wa pịrịbẹnyẹ.>>

³⁴ Pita warị saghị ẹ́gẹ́rẹ́, ḅẹẹ, <

³⁵ ḅẹẹ o dighi ḅáláfaapụ sị pịghị karakárányẹ mịẹ mịnaapụ ma anịị ọ daakịarịapụ, ọ balagha nnị saghị ḅo angaá.

³⁶ O nimim ọ pa Izirẹlịawọ fịrịma oku, diin ibi oku ma dugho wásámaarị, Jizọs Krais kị́nị́mamgba Nyánáḅọ ḅụ ḅọ́rọ́.

³⁷ O nimim Judiya ḅẹrẹtọ yọ gbọrụ ḅụ págháanyẹ, Galili ḅụ saghị, Jọn ori mingi sara oku ma dugho wásáma sáá.

³⁸ Ọ kọkọ Jizọs, Nazarẹtị ḅụ saghị ḅoḅọ nimi, Tamuno ori Tọ́ntọ́ Tẹ́mẹ́ na kụrọ pa ọ ḅụ sua ḅara, ọ pịghị ngaamamgba muu ḅara sị ibinyẹ mịẹarị ḅara, si pịghị ẹ́kpẹ́dua kụrọ bie fịnịapụ mamgba gwọarị ḅara tegó Tamuno ọ nana imim gosi.

³⁹ <

⁴⁰ kụ́ma tẹ́rẹ́ dii ḅọ́rọ́ sa, Tamuno fịị ḅụ ọ saghịmam, sị mịẹ ori ọ ḅụ pa wa die.

⁴¹ Kị́nị́mamgbagha ori ọ ḅụ pa dieapụ, kụ́ma Tamuno ọ ḅara na sẹlẹakịapụ ma, anịị wamịnị ọ nana fị pịghị ọ nana ḅuuapụ, ọ fịị ḅụ saghị fama sáá.

⁴² Ọ warị tọ́ọ wa pịrị ḅẹ́, wa ori ibi oku ma dugho wásámáa túminị́ ma pịrị ḅẹẹ, ori anịị Tamuno pa ḅẹ́rẹ́kọḅọ tọ́ọ duma na fịịapụ pị́rị́máaḅọ.

⁴³ Ikiakoroapụ mamgba o gbolomanyẹ dughom ḅẹ́ ọ ḅụ mininiḅọ gonyẹ́ gonyẹ́ siiḅụḅárasi pịrị nyánábẹm, Jizọs Krais ẹrẹ ma ḅụ ḅọ́rọ́.>>

⁴⁴ Pita pa ẹ́gẹ́rẹ́arị sáá Tọ́ntọ́ Tẹ́mẹ́ ma warị kóróḅo o pughuuarịapụ mamgba ḅụ sọọ.

⁴⁵ Pita na Jọpa ḅụ saghị ḅo sị mininiapụ, anị n tọ́rụ́ daam bẹ Tamuno ori Tọ́ntọ́ Tẹ́mẹ́ dienyẹ ma, mịẹm sị Juughaapụ ma sọ anị nyáná.

⁴⁶ Ḅẹẹ nnị n naam, nnị jẹ́ ḅẹlẹ pa ẹ́gẹ́rẹ́kọarị sị, Tamuno ma túminíarị. Pita warị ḅẹẹ,

⁴⁷ <>

⁴⁸ Ọ warị ḅẹ́ nnị mingi pa n sara Jizọs Krais ẹrẹ ḅụ. Anịsáa nnị warị Pita ḅẹẹ ọ kẹ́lẹ́ nnị na kálá dii nyẹ fịnịị.