Salamo 99 - Iaai Bible 1901 (New Caledonia)

¹ IEHOVA ame musi; e so he ka öbu-buny ta je hnyei: E ame laba hon li kerubi; e so e he hmeledrany ka bwebwet.

² E gan hmâ Iehova hnyi Ziona; Eke, e ame laba gorany hon ta je hnyei hia thithö.

³ E so adre me he ka ogânâ iâm ae gan me hnân outen: E kap thibi e.

⁴ Ke haba hwegien than me ame hnyok ka hna owisa; U je otethmâ hnathu, U je mâdrâ hna owisa me wisa unyi Jekob.

⁵ Ogöranyi Iehova thö a Khonguta, Ke khudrung ju hnyi taben li hnyeûcan: E kap thibi e.

⁶ E bi Mose me Arona unyin anyin tavat bi hut, Me Samuela unyin tavat adre me hawâ ien; Ödrin e hongot kö Iehova, ke e ame thu ködrin;

⁷ E ame ha ködrin hnyi ûlâ ame tot wisa: Ödrin e vheno hnen je ohnatho, me hnanyibu waleji e ame ham ködrin.

⁸ Iehova a Khonguhmun lö, u je thu ködrin: U thibi Khong waleji at ame thang anyidrin je hulo, Ke so bi u je bi hwaban hnödrin je hna ânyâ.

⁹ Ogöranyi Iehova thö a Khonguta, Ke khudrung ju hnyi anyin ong bucen ae kap: Anyin ae kap Iehova a Khonguta.