Salamo 98 - Iaai Bible 1901 (New Caledonia)

Salamo.

¹ KHUMÖNGÖ thö kö Iehova khumöng a teb ûnyi; Anyin a e ame hia but ânyâ ta je ûnyi hnân lâiâ: Haba hnyamen a metân, me benyin ae kap ödru me hia but ânyâ ûhomeli hobi kâu e.

² A hia but Iehova omanenâ anyin ûhömeli: E ame hia but omanenâ hwakecin ae wisa hnyi hnyimakan ta je hnyei.

³ E ame hia but ûnykûme anyin ibetengiö me anyin hnathu ka lap anyi Isaraela: A hia but wâ hnen je can hmeledrany hia ûhomeli anyin Khonguta.

⁴ Hmeledrany hia thithö lö, hongot senyin kö Iehova: Hai thö me khumöng senyin, eke khûmöng ogânâ.

⁵ Khumöng olungi Iehova ge kitara; Ge kitara me hwan khumöng,

⁶ Bi hwan dö senyin kö Iehova Ge je trutru me hwan sofara.

⁷ E so he ka mea köiö me unöngötiny; Me kânâ me tavat adre me laba hon;

⁸ E so ame he je wadutö ka khöûkhöû hnyam; Me ta je ong bucen he ka khumöng senyin.

⁹ Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.